MASALIMO 48 - Buku Lopatulika ndilo Mau a Mulungu

Ukoma ndi ulemerero wa ZiyoniNyimbo. Salimo la ana a Kora.

1 Yes. 2.2-3 Yehova ndiye wamkulu, ayenera kulemekezekadi,

m'mzinda wa Mulungu wathu, m'phiri lake loyera.

2 Mas. 50.2; Ezk. 20.6; Mat. 5.35 Phiri la Ziyoni, chikhalidwe chake nchokoma

kumbali zake za kumpoto,

ndilo chimwemwe cha dziko lonse lapansi,

mzinda wa mfumu yaikulu.

3Mulungu adziwika m'zinyumba zake ngati msanje.

4 2Sam. 10.6-19 Pakuti, taonani, mafumuwo anasonkhana,

anapitira pamodzi.

5Anapenya mudziwo, ndipo pamenepo anadabwa;

anaopsedwa, nathawako.

6Pomwepo anagwidwa nako kunthunthumira;

anamva chowawa, ngati wam'chikuta.

7 Ezk. 27.25-26 Muswa zombo za ku Tarisisi ndi mphepo ya kum'mawa.

8Monga tidamva, momwemo tidapenya

m'mzinda wa Yehova wa makamu, m'mzinda wa Mulungu wathu,

Mulungu adzaukhazikitsa kunthawi yamuyaya.

9 Mas. 40.10 Tidalingalira zachifundo chanu, Mulungu,

m'kati mwa Kachisi wanu.

10 Deut. 28.58 Monga dzina lanu, Mulungu,

momwemo lemekezo lanu ku malekezero a dziko lapansi;

m'dzanja lamanja lanu mudzala chilungamo.

11Likondwere phiri la Ziyoni,

asekere ana aakazi a Yuda,

chifukwa cha maweruzo anu.

12Zungulirani Ziyoni, ndipo muuzinge,

werengani nsanja zake.

13 Mas. 56.13; Hos. 13.14 Penyetsetsani malinga ake,

yesetsani zinyumba zake;

kuti mukaziwerengere mibadwo ikudza m'mbuyo.

14 Yes. 58.11 Pakuti Mulungu ameneyo ndiye Mulungu wathu

kunthawi za nthawi,

adzatitsogolera kufikira imfa.