MASALIMO 113 - Buku Lopatulika ndilo Mau a Mulungu

Anthu onse alemekeze dzina la Mulungu wothandiza aumphawi

1 Mas. 135.1 Aleluya;

Lemekezani, inu atumiki a Yehova;

lemekezani dzina la Yehova.

2Lodala dzina la Yehova Kuyambira tsopano kufikira kosatha.

3 Yes. 59.19 Chitulukire dzuwa kufikira kulowa kwake

lilemekezedwe dzina la Yehova.

4Yehova akwezeka pamwamba pa amitundu onse,

ulemerero wake pamwambamwamba.

5 Mas. 89.6 Akunga Yehova Mulungu wathu ndani?

Amene akhala pamwamba patali,

6 Yes. 57.15 nadzichepetsa apenye

zam'mwamba ndi za padziko lapansi.

7 1Sam. 2.8 Amene autsa wosauka kumchotsa kufumbi,

nakweza waumphawi kumchotsa kudzala.

8Kuti amkhalitse pamodzi ndi akulu,

pamodzi ndi akulu a anthu ake.

9 1Sam. 2.5; Yes. 54.1; Agal. 4.27 Asungitsa nyumba mkazi wosaona mwana,

akhale mai wokondwera ndi ana.

Aleluya.