MASALIMO 120 - Buku Lopatulika ndilo Mau a Mulungu

Apempha Mulungu amlanditse pa omnamizaNyimbo yokwerera.

1 Mas. 118.5; Yon. 2.2 Ndinafuulira kwa Yehova mu msauko wanga,

ndipo anandivomereza.

2Yehova, landitsani moyo wanga kumilomo ya mabodza,

ndi kulilime lonyenga.

3Adzakuninkhanji, adzakuonjezeranji,

lilime lonyenga iwe?

4Mivi yakuthwa ya chiphona,

ndi makala tsanya.

5 Gen. 25.13; Ezk. 27.13 Tsoka ine, kuti ndili mlendo mu Meseki,

kuti ndigonera m'mahema a Kedara!

6Moyo wanga unakhalitsa nthawi

pamodzi ndi iye wakudana nao mtendere.

7Ine ndikuti, Mtendere;

koma polankhula ine, iwowa akuti, Nkhondo.