MASALIMO 141 - Buku Lopatulika ndilo Mau a Mulungu

Davide apempha Mulungu amthandize poyesedwa ndi zoipaSalimo la Davide.

1 Mas. 70.5 Yehova, ndaitana kwa Inu; ndifulumireni ine;

munditcherere khutu, pamene ndiitana kwa Inu.

2 Chiv. 8.3-4 Pemphero langa liikike ngati chofukiza pamaso panu;

kukweza manja anga kuikike ngati nsembe ya madzulo.

3Muike mdindo pakamwa panga, Yehova;

sungani pakhomo pa milomo yanga.

4 Miy. 23.6 Mtima wanga usalinge kuchinthu choipa,

kuchita ntchito zoipa

ndi anthu akuchita zopanda pake;

ndipo ndisadye zankhuli zao.

5 Miy. 9.8; 19.25; 25.12 Akandipanda munthu wolungama ndidzati nchifundo:

akandidzudzula, ndidzakuyesa mafuta a pamutu;

mutu wanga usakane:

Pakuti pangakhale posautsidwa iwo ndidzawapempherera.

6Oweruza ao anagwetseka pambali pa thanthwe;

nadzamva mau anga kuti ndiwo okondweretsa.

7Mafupa athu amwazika pakamwa pa manda,

monga ngati akumba nanyimphula nthaka yapansi.

8 2Mbi. 20.12 Pakuti maso anga apenya kwanu, Yehova Ambuye;

ndithawira kwa Inu; musataye moyo wanga.

9 Mas. 119.110 Mundisunge ndisagwe mumsampha ananditcherawo,

ndisakodwe m'makwekwe a iwo ochita zopanda pake.

10 Mas. 35.8 Oipa agwe pamodzi m'maukonde ao,

kufikira nditapitirira ine.