MASALIMO 3 - Buku Lopatulika ndilo Mau a Mulungu

Kukhulupirika kwa MulunguSalimo la Davide, muja anathawa Abisalomu mwana wake.

1 2Sam. 15.18 Yehova! Ha! Achuluka nanga akundisautsa ine!

Akundiukira ine ndi ambiri.

2 Mas. 71.11 Ambiri amati kwa moyo wanga,

alibe chipulumutso mwa Mulungu.

3 Gen. 15.1; Mas. 28.7 Ndipo Inu Yehova, ndinu chikopa changa;

ulemerero wanga, ndi wondiweramutsa mutu wanga.

4 Mas. 34.4 Ndifuula kwa Yehova ndi mau anga,

ndipo andiyankha m'phiri lake loyera.

5 Mas. 4.8 Ndinagona ine pansi, ndinagona tulo;

ndinauka; pakuti Yehova anandichirikiza.

6 Mas. 27.3 Sindidzaopa unyinji wa anthu akundizinga ine.

7 Mas. 7.6 Ukani Yehova; ndipulumutseni, Mulungu wanga!

Pakuti mwapanda adani anga onse patsaya;

mwawathyola mano oipawo.

8 Yes. 43.11 Chipulumutso ncha Yehova;

dalitso lanu likhale pa anthu anu.