MASALIMO 129 - Buku Lopatulika ndilo Mau a Mulungu

Israele asautsidwa koma osafafanizidwaNyimbo yokwerera.

1Anandisautsa kawirikawiri kuyambira ubwana wanga,

anene tsono Israele;

2 Yoh. 16.33 Anandisautsa kawirikawiri kuyambira ubwana wanga;

koma sanandilake.

3Olima analima pamsana panga;

anatalikitsa mipere yao.

4Yehova ndiye wolungama;

anadulatu zingwe za oipa.

5Achite manyazi nabwerere m'mbuyo.

Onse akudana naye Ziyoni.

6 Mas. 37.2 Akhale ngati udzu womera patsindwi,

wakufota asanauzule;

7umene womweta sadzaza nao dzanja lake,

kapena womanga mitolo sakupatira manja.

8 Rut. 2.4; Mas. 118.26; Yes. 8.18 Angakhale opitirirapo sanena,

Dalitso la Mulungu likhale pa inu;

tikudalitsani m'dzina la Yehova.