MASALIMO 115 - Buku Lopatulika ndilo Mau a Mulungu

Mulungu ndi wa ulemerero, mafano ndiwo achabe

1 Yes. 48.11 Kwa ife ai, Yehova, kwa ife ai,

koma kwa dzina lanu patsani ulemerero,

chifukwa cha chifundo chanu, ndi choonadi chanu.

2 Mas. 42.3; Yow. 2.17 Aneneranji amitundu,

Ali kuti Mulungu wao?

3 1Mbi. 16.26 Koma Mulungu wathu ndiye ali m'mwamba;

achita chilichonse chimkonda.

4 Mas. 135.15-18 Mafano ao ndiwo a siliva ndi golide,

ntchito za manja a anthu.

5Pakamwa ali napo, koma osalankhula;

maso ali nao, koma osapenya;

6makutu ali nao, koma osamva;

mphuno ali nazo, koma osanunkhiza;

7manja ali nao, koma osagwira;

mapazi ali nao, koma osayenda;

kapena sanena pammero pao.

8 Hab. 2.18-19 Adzafanana nao iwo akuwapanga;

ndi onse akuwakhulupirira.

9 Mas. 62.8 Israele, khulupirira Yehova:

Ndiye mthandizi wao ndi chikopa chao.

10 Mas. 118.3 Nyumba ya Aroni, khulupirira Yehova:

Ndiye mthandizi wao, ndi chikopa chao.

11Inu akuopa Yehova, khulupirirani Yehova;

ndiye mthandizi wao ndi chikopa chao.

12Yehova watikumbukira; adzatidalitsa:

adzadalitsa nyumba ya Israele;

adzadalitsa nyumba ya Aroni.

13 Mas. 128.1-4 Adzadalitsa iwo akuopa Yehova,

aang'ono ndi aakulu.

14Yehova akuonjezereni dalitso,

inu ndi ana anu.

15Odalitsika inu a kwa Yehova,

wakulenga kumwamba ndi dziko lapansi.

16Kunena za kumwamba, kumwamba ndiko kwa Yehova;

koma dziko lapansi analipereka kwa ana a anthu.

17 Yes. 38.18 Akufa salemekeza Yehova,

kapena aliyense wakutsikira kuli chete:

18 Dan. 2.20 Koma ife tidzalemekeza Yehova

kuyambira tsopano kufikira nthawi yonse.

Aleluya.