MASALIMO 112 - Buku Lopatulika ndilo Mau a Mulungu

Adalitsidwa akuopa Mulungu

1 Mas. 128.1; 119.16, 47 Aleluya.

Wodala munthu wakuopa Yehova,

wakukondwera kwambiri ndi malamulo ake.

2 Mas. 25.13 Mbeu yake idzakhala yamphamvu padziko lapansi;

mbadwo wa oongoka mtima udzadalitsidwa.

3 Mat. 6.33 M'nyumba mwake mudzakhala akatundu ndi chuma:

Ndi chilungamo chake chikhala chikhalire.

4 Mas. 97.11 Kuunika kutulukira oongoka mtima mumdima;

Iye ndiye wachisomo, ndi wansoni ndi wolungama.

5 Luk. 6.35 Wodala munthu wakuchitira chifundo, nakongoletsa;

adzalimbika nao mlandu wake poweruzidwa.

6 Miy. 10.7 Popeza sadzagwedezeka nthawi zonse;

wolungama adzakumbukika ku nthawi yosatha.

7 Miy. 1.33 Sadzaopa mbiri yoipa;

mtima wake ngwokhazikika, wokhulupirira Yehova.

8Mtima wake ngwochirikizika, sadzachita mantha,

kufikira ataona chofuna iye pa iwo omsautsa.

9 2Ako. 9.9 Anagawagawa, anapatsa aumphawi;

chilungamo chake chikhalitsa kosatha;

nyanga yake idzakwezeka ndi ulemu.

10 Miy. 10.28; Luk. 13.28 Woipa adzaziona, nadzapsa mtima;

adzakukuta mano, nadzasungunuka;

chokhumba oipa chidzatayika.