MASALIMO 6 - Buku Lopatulika ndilo Mau a Mulungu

Davide apempha chifundo kwa MulunguKwa Mkulu wa Nyimbo: pa Neginoto, pa Seminiti. Salimo la Davide.

1 Yer. 10.24 Yehova, musandidzudzule mu mkwiyo wanu,

ndipo musandilange muukali wanu.

2 Mas. 41.4 Mundichitire chifundo, Yehova; pakuti ndalefuka ine.

Mundichize, Yehova; pakuti anthunthumira mafupa anga.

3 Yoh. 12.27 Moyo wanganso wanthunthumira kwakukulu;

ndipo Inu, Yehova, kufikira liti?

4Bwererani Yehova, landitsani moyo wanga;

ndipulumutseni chifukwa cha kukoma mtima kwanu.

5 Mas. 30.9 Pakuti muimfa m'mosakumbukira Inu;

m'mandamo adzakuyamikani ndani?

6Ndalema nako kuusa moyo kwanga;

ndiyandamitsa kama wanga usiku wonse;

mphasa yanga ndiolobza ndi misozi yanga.

7 Yob. 17.7 Lapuwala diso langa chifukwa cha chisoni;

lakalamba chifukwa cha onse akundisautsa.

8 Mat. 7.23; 25.41 Chokani kwa ine, nonsenu akuchita zopanda pake;

pakuti wamva Yehova mau a kulira kwanga.

9Wamva Yehova kupemba kwanga;

Yehova adzalandira pemphero langa.

10Adzachita manyazi, nadzanthunthumira kwakukulu

adani anga onse;

adzabwerera, nadzachita manyazi modzidzimuka.