MASALIMO 138 - Buku Lopatulika ndilo Mau a Mulungu

Davide ayamika Mulungu pa kukhulupirika kwake, naneneratu kuti mafumu onse adzateroSalimo la Davide.

1Ndidzakuyamikani ndi mtima wanga wonse;

ndidzaimba zakukulemekezani patsogolo pa milungu.

2 1Maf. 8.28, 30; Yes. 42.21 Ndidzagwadira kuloza ku Kachisi wanu woyera,

ndi kuyamika dzina lanu,

chifukwa cha chifundo chanu ndi choonadi chanu;

popeza munakuzitsa mau anu koposa dzina lanu lonse.

3Tsiku loitana ine, munandiyankha,

munandilimbitsa ndi mphamvu m'moyo mwanga.

4 Mas. 102.15, 22 Mafumu onse a padziko lapansi adzakuyamikani,

Yehova, popeza adamva mau a pakamwa panu.

5Ndipo adzaimbira njira za Yehova;

pakuti ulemerero wa Yehova ndi waukulu.

6 Yak. 4.6 Angakhale Yehova ngwokwezeka, apenyanso wopepukayo;

koma wodzikuza amdziwira kutali.

7 Mas. 23.3-4 Ndingakhale ndiyenda pakati pa nsautso, mudzandipatsa moyo;

mudzatambasula dzanja lanu pa mkwiyo wa adani anu,

ndipo dzanja lanu lamanja lidzandipulumutsa.

8 Afi. 1.6 Yehova adzanditsirizira za kwa ine:

Chifundo chanu, Yehova, chifikira kunthawi zonse:

Musasiye ntchito za manja anu.