MASALIMO 97 - Buku Lopatulika ndilo Mau a Mulungu

Ulemerero wa ufumu wa Mulungu

1 Mas. 96.10 Yehova achita ufumu; dziko lapansi likondwere;

zisumbu zambiri zikondwerere.

2 1Maf. 8.12; Mas. 89.14 Pomzinga pali mitambo ndi mdima;

chilungamo ndi chiweruzo ndizo zolimbitsa

mpando wake wachifumu.

3 Luk. 1.5, 55, 72 Moto umtsogolera,

nupsereza otsutsana naye pozungulirapo.

4Mphezi zake zinaunikira dziko lokhalamo anthu;

dziko lapansi linaona nilinagwedezeka.

5 Nah. 1.5 Mapiri anasungunuka ngati sera pamaso pa Yehova,

pamaso pa Ambuye wa dziko lonse lapansi.

6 Mas. 19.1 Kumwamba kulalikira chilungamo chake,

ndipo mitundu yonse ya anthu ipenya ulemerero wake.

7 Yes. 42.17 Onse akutumikira fano losema,

akudzitamandira nao mafano, achite manyazi:

Mgwadireni Iye, milungu yonse inu.

8 Ziyoni anamva nakondwera,

nasekerera ana aakazi a Yuda;

chifukwa cha maweruzo anu, Yehova.

9 Eks. 18.11 Pakuti Inu, Yehova, ndinu Wam'mwambamwamba padziko lonse lapansi,

ndinu wokwezeka kwakukulu pamwamba pa milungu ina yonse.

10 Mas. 37.28; Amo. 5.15 Inu okonda Yehova, danani nacho choipa:

Iye asunga moyo wa okondedwa ake;

awalanditsa m'manja mwa oipa.

11 Miy. 4.18 Kuunika kufesekera wolungama,

ndi chikondwerero oongoka mtima.

12 Mas. 30.4; 32.11 Kondwerani mwa Yehova, olungama inu;

ndipo yamikani pokumbukira chiyero chake.