MIYAMBO 10 - Buku Lopatulika ndilo Mau a Mulungu

Miyambo yosiyanasiyanaMiyambo ya Solomoni:

1 Miy. 29.3, 15 Mwana wanzeru akondweretsa atate;

koma mwana wopusa amvetsa amake chisoni.

2 Dan. 4.27; Luk. 12.19 Chuma cha uchimo sichithangata;

koma chilungamo chipulumutsa kuimfa.

3 Mas. 34.9-10 Yehova samvetsa njala moyo wa wolungama;

koma amainga chifuniro cha wochimwa.

4Wochita ndi dzanja laulesi amasauka;

koma dzanja la akhama lilemeretsa.

5Wokolola m'malimwe ndi mwana wanzeru;

koma wogona pakututa ndi mwana wochititsa manyazi.

6Madalitso ali pamutu pa wolungama;

koma m'kamwa mwa oipa mubisa chiwawa.

7 Mas. 9.5-6; 112.6 Amayesa wolungama wodala pomkumbukira;

koma dzina la oipa lidzavunda.

8Mwini mtima wanzeru amalandira malamulo;

koma chitsiru cholongolola chidzagwa.

9 Yes. 33.15-16 Woyenda moongoka amayenda osatekeseka;

koma wokhotetsa njira zake adzadziwika.

10Wotsinzinira achititsa chisoni;

koma wodzudzula momveka achita mtendere.

11 Mas. 37.30 M'kamwa mwa wolungama ndi kasupe wa moyo;

koma m'kamwa mwa oipa mubisa chiwawa.

12 1Ako. 13.4; 1Pet. 4.8 Udani upikisanitsa;

koma chikondi chikwirira zolakwa zonse.

13Nzeru ipezedwa m'milomo ya wozindikira;

koma wopusa pamsana pake nthyole.

14Anzeru akundika zomwe adziwa;

koma m'kamwa mwa chitsiru muononga tsopano lino.

15 Mas. 52.7; 1Tim. 6.17 Chuma cha wolemera ndi mzinda wake wolimba;

koma umphawi wao uononga osauka.

16Ntchito za wolungama zipatsa moyo;

koma phindu la oipa lichimwitsa.

17Wosunga mwambo ali m'njira ya moyo;

koma wosiya chidzudzulo asochera.

18 Mas. 15.3 Wobisa udani ali ndi milomo yonama;

wonena ugogodi ndiye chitsiru.

19 Yak. 3.2 Pochuluka mau zolakwa sizisoweka;

koma wokhala chete achita mwanzeru.

20Lilime la wolungama likunga siliva wosankhika;

koma mtima wa oipa uli wachabe.

21Milomo ya wolungama imadyetsa ambiri;

koma zitsiru zimafa posowa nzeru.

22 Gen. 24.35 Madalitso a Yehova alemeretsa,

saonjezerapo chisoni.

23Masewero a chitsiru ndiwo kuchita zoipa;

koma masewero a wozindikira ndiwo nzeru.

24 1Yoh. 5.14-15 Chomwe woipa achiopa chidzamfikira;

koma chomwe olungama achifuna chidzapatsidwa.

25 Mat. 7.24 Monga kavumvulu angopita, momwemo woipa kuli zii;

koma olungama ndiwo maziko osatha.

26Ngati vinyo wowawa m'mano, ndi utsi m'maso,

momwemo waulesi kwa iwo amene amtuma.

27 Mas. 55.23 Kuopa Yehova kutanimphitsa masiku;

koma zaka za oipa zidzafinimpha.

28 Mas. 112.10 Chiyembekezo cha olungama ndicho chimwemwe;

koma chidikiro cha oipa chidzaonongeka.

29Njira ya Yehova ndi linga kwa woongoka mtima;

koma akuchita zoipa adzaonongeka.

30 Mas. 125.1 Wolungama sadzachotsedwa konse;

koma oipa sadzakhalabe m'dziko.

31M'kamwa mwa wolungama mulankhula nzeru;

koma lilime lokhota lidzadulidwa.

32 Mas. 37.30 Milomo ya wolungama idziwa zokondweretsa;

koma m'kamwa mwa oipa munena zokhota.