MASALIMO 84 - Buku Lopatulika ndilo Mau a Mulungu

Okhala m'nyumba ya Yehova ndiwo amwaiKwa Mkulu wa Nyimbo: pa Gititi; Salimo la ana a Kora.

1 Mas. 27.4 Pokhala Inu mpotikonda ndithu,

Yehova wa makamu!

2 Mas. 42.1-2 Moyo wanga ulakalaka, inde ukomokanso ndi kufuna mabwalo a Yehova;

mtima wanga ndi thupi langa zifuulira kwa Mulungu wamoyo.

3Mbawanso inapeza nyumba,

ndi namzeze chisa chake choikamo ana ake,

pa maguwa a nsembe anu, Yehova wa makamu,

mfumu yanga ndi Mulungu wanga.

4 Mas. 65.4 Odala iwo akugonera m'nyumba mwanu;

akulemekezani chilemekezere.

5Wodala munthu amene mphamvu yake ili mwa Inu;

mumtima mwake muli makwalala a ku Ziyoni.

6Popyola chigwa cha kulira misozi achiyesa cha akasupe;

inde mvula ya chizimalupsa ichidzaza ndi madalitso.

7 Yob. 17.9 Apita mwamphamvu naonjezapo mphamvu,

aoneka pamaso pa Mulungu mu Ziyoni.

8Yehova Mulungu wa makamu, imvani pemphero langa.

Tcherani khutu, Mulungu wa Yakobo.

9 Gen. 15.1 Onani, Mulungu, ndinu chikopa chathu;

ndipo penyani pa nkhope ya Wodzozedwa wanu.

10Pakuti tsiku limodzi m'mabwalo anu likoma

koposa masiku ambirimbiri akukhala pena.

Kukhala ine wapakhomo m'nyumba ya Mulungu wanga,

kundikonda ine koposa kugonera m'mahema a choipa.

11 Yes. 60.19-20; Mat. 6.33; 7.11 Pakuti Yehova Mulungu ndiye dzuwa ndi chikopa;

Yehova adzapatsa chifundo ndi ulemerero;

sadzakaniza chokoma iwo akuyenda angwiro.

12 Mas. 2.12 Yehova wa makamu,

wodala munthu wakukhulupirira Inu.