MASALIMO 124 - Buku Lopatulika ndilo Mau a Mulungu

Mulungu yekha walanditsa anthu akeNyimbo yokwerera; ya Davide.

1Akadapanda kukhala nafe Yehova,

anene tsono Israele;

2Akadapanda kukhala nafe Yehova,

pakutiukira anthu:

3 Mas. 56.1-2 Akadatimeza amoyo,

potipsera mtima wao.

4Akadatimiza madziwo,

mtsinje ukadapita pa moyo wathu;

5madzi odzikuza akadapita pa moyo wathu.

6Alemekezedwe Yehova,

amene sanatipereke kumano kwao tikhale chakudya chao.

7 Miy. 6.5 Moyo wathu unaonjoka ngati mbalame mu msampha wa msodzi;

msampha unathyoka ndi ife tinaonjoka.

8 Mas. 121.2; 134.3 Thandizo lathu lili m'dzina la Yehova,

wolenga kumwamba ndi dziko lapansi.