MASALIMO 92 - Buku Lopatulika ndilo Mau a Mulungu

Anthu onse ayamike Mulungu chifukwa cha ntchito zake, chilungamo chake, ndi chifundo chakeSalimo, Nyimbo ya pa Sabata.

1 Mas. 96.10; Yes. 51.9 Nkokoma kuyamika Yehova,

ndi kuimbira nyimbo dzina lanu, Wam'mwambamwamba Inu.

2 Mas. 119.147-148 Kuonetsera chifundo chanu mamawa,

ndi chikhulupiriko chanu usiku uliwonse.

3 Mas. 33.2 Pa choimbira cha zingwe khumi ndi pachisakasa;

pazeze ndi kulira kwake.

4Popeza Inu, Yehova, munandikondweretsa ndi kuchita kwanu,

ndidzafuula mokondwera pa ntchito ya manja anu.

5 Aro. 11.33-34 Ha! Ntchito zanu nzazikulu, Yehova,

zolingalira zanu nzozama ndithu.

6Munthu wopulukira sachidziwa;

ndi munthu wopusa sachizindikira ichi;

7 Mas. 37.1-2; 112.10 chakuti pophuka oipa ngati msipu,

ndi popindula ochita zopanda pake;

chitero kuti adzaonongeke kosatha.

8Koma Inu, Yehova, muli m'mwamba kunthawi yonse.

9 Eks. 15.6 Pakuti, taonani, adani anu, Yehova,

pakuti, taonani, adani anu adzatayika;

ochita zopanda pake onse adzamwazika.

10 Mas. 23.5 Koma munakweza nyanga yanga ngati ya njati;

anandidzoza mafuta atsopano.

11Diso langa lapenya chokhumba ine pa iwo ondilalira,

m'makutu mwanga ndamva chokhumba ine

pa iwo akuchita zoipa akundiukira.

12 Mas. 1.3; Hos. 14.5-6 Wolungama adzaphuka ngati mgwalangwa;

adzakula ngati mkungudza wa ku Lebanoni.

13Iwo ookedwa m'nyumba ya Yehova,

adzaphuka m'mabwalo a Mulungu wathu.

14Atakalamba adzapatsanso zipatso;

adzadzazidwa ndi madzi nadzakhala abiriwiri,

15 Deut. 32.4; Aro. 9.14 kulalikira kuti Yehova ngwolunjika;

Iye ndiye thanthwe langa, ndipo mwa Iye mulibe chosalungama.