MASALIMO 20 - Buku Lopatulika ndilo Mau a Mulungu

Kupempherera mfumu potulukira iye kunkhondoKwa Mkulu wa Nyimbo. Salimo la Davide.

1 Miy. 18.10 Yehova akuvomereze tsiku la nsautso;

dzina la Mulungu wa Yakobo likuike pamsanje;

2likutumizire thandizo lotuluka m'malo oyera,

ndipo likugwirizize kuchokera mu Ziyoni;

3likumbukire zopereka zako zonse,

lilandire nsembe yako yopsereza;

4 Mas. 21.2 likupatse cha mtima wako,

ndipo likwaniritse upo wako wonse.

5 Mas. 9.14; 60.4 Tidzafuula mokondwera mwa chipulumutso chanu,

ndipo m'dzina la Mulungu wathu tidzakweza mbendera;

Yehova akwaniritse mapempho ako onse.

6Tsopano ndidziwa kuti Yehova apulumutsa wodzozedwa wake;

adzamvomereza mu Mwamba mwake moyera

ndi mphamvu ya chipulumutso cha dzanja lake lamanja.

7 2Mbi. 32.8; Mas. 33.16-17; Miy. 21.31 Ena atama magaleta, ndi ena akavalo;

koma ife tidzatchula dzina la Yehova Mulungu wathu.

8Iwowa anagonjeka, nagwa;

koma ife tauka, ndipo takhala chilili.

9Yehova, pulumutsani,

mfumuyo ativomereze tsiku lakuitana ife.