MASALIMO 144 - Buku Lopatulika ndilo Mau a Mulungu

Davide ayamika Mulungu kuti anamtchinjiriza, napempha ampulumutse kuti anthu adalensoSalimo la Davide.

1Wolemekezeka Yehova thanthwe langa,

wakuphunzitsa manja anga achite nkhondo,

zala zanga zigwirane nao:

2 2Sam. 22.2-3, 40, 48 Ndiye chifundo changa, ndi linga langa,

msanje wanga, ndi Mpulumutsi wanga;

chikopa changa, ndi Iye amene ndimtama;

amene andigonjetsera anthu anga.

3 Mas. 8.4; Aheb. 2.6 Yehova, munthu ndani kuti mumdziwa?

Mwana wa munthu kuti mumsamalira?

4 Mas. 102.11 Munthu akunga mpweya;

masiku ake akunga mthunzi wopitirira.

5 Yes. 64.1 Weramutsani thambo lanu, Yehova, nimutsike:

Khudzani mapiri ndipo adzafuka.

6Ng'animitsani mphezi, ndi kuwabalalitsa;

tumizani mivi yanu, ndi kuwapirikitsa.

7 Mas. 18.16 Tulutsani manja anu kuchokera m'mwamba;

ndikwatuleni ndi kundilanditsa kumadzi aakulu,

kudzanja la alendo;

8amene pakamwa pao alankhula zachabe,

ndi dzanja lao lamanja ndilo dzanja lachinyengo.

9 Mas. 33.2-3 Ndidzakuimbirani nyimbo yatsopano, Mulungu;

pa chisakasa cha zingwe khumi ndidzaimbira zakukulemekezani.

10 Mas. 18.50 Ndiye amene apatsa mafumu chipulumutso:

Amene alanditsa Davide mtumiki wake kulupanga loipa.

11Ndilanditseni ndi kundipulumutsa kudzanja la alendo,

amene pakamwa pao alankhula zachabe,

ndi dzanja lao lamanja ndilo dzanja lachinyengo.

12 Mas. 128.3; 1Pet. 3.5 Kuti ana athu aamuna akhale ngati mmera udakula usanakhwime;

ana athu aakazi ngati nsanamira za kungodya,

zosema zikometsere nyumba ya mfumu.

13Kuti nkhokwe zathu zidzale, kutipatsa za mitundumitundu;

ndi kuti nkhosa zathu ziswane zikwizikwi, inde zikwi khumi kubusako.

14Kuti ng'ombe zathu zikhale zosenza katundu;

ndi kuti pasakhale kupasula linga kapena kutulukamo,

pasakhalenso kufuula m'makwalala athu.

15 Deut. 33.29 Odala anthu akuona zotere;

odala anthu amene Mulungu wao ndi Yehova.