MASALIMO 126 - Buku Lopatulika ndilo Mau a Mulungu

Ayamikira mokondwerera kuti Mulungu anabweza ukapolo waoNyimbo yokwerera.

1 Mac. 12.9 Pobweza Yehova ukapolo wa Ziyoni,

tinakhala ngati anthu akulota.

2 Yob. 8.20-21 Pamenepo pakamwa pathu panadzala ndi kuseka,

ndi lilime lathu linafuula mokondwera;

pamenepo anati kwa amitundu,

Yehova anawachitira iwo zazikulu.

3Yehova anatichitira ife zazikulu;

potero tikhala okondwera.

4Bwezani ukapolo wathu, Yehova,

ngati mitsinje ya kumwera.

5 Yer. 31.9-14 Akubzala ndi misozi adzatuta ndi kufuula mokondwera.

6Iye amene ayendayenda nalira, ponyamula mbeu yakufesa;

adzabweranso ndithu ndi kufuula mokondwera,

alikunyamula mitolo yake.