MASALIMO 86 - Buku Lopatulika ndilo Mau a Mulungu

Davide apempha Mulungu kolimba amlanditsePemphero la Davide.

1Tcherani khutu lanu Yehova, mundiyankhe;

pakuti ine ndine wozunzika ndi waumphawi.

2Sungani moyo wanga pakuti ine ndine wokondedwa wanu;

Inu Mulungu wanga, pulumutsani mtumiki wanu wokhulupirira Inu.

3 Mas. 57.1 Mundichitire chifundo, Ambuye;

pakuti tsiku lonse ndiitana Inu.

4Kondwetsani moyo wa mtumiki wanu;

pakuti ndikwezera moyo wanga kwa Inu, Ambuye.

5 Yow. 2.13 Pakuti Inu, Ambuye, ndinu wabwino, ndi wokhululukira,

ndi wa chifundo chochulukira onse akuitana Inu.

6Tcherani khutu pemphero langa, Yehova;

nimumvere mau a kupemba kwanga.

7 Mas. 50.15 Tsiku la msauko wanga ndidzaitana Inu;

popeza mudzandivomereza.

8 Eks. 15.11 Pakati pa milungu palibe wina wonga Inu, Ambuye;

ndipo palibe ntchito zonga zanu.

9 Yes. 66.23; Chiv. 15.4 Amitundu onse mudawalenga adzadza nadzagwada pamaso panu, Ambuye;

nadzalemekeza dzina lanu.

10 Deut. 6.4; Mrk. 12.29 Pakuti Inu ndinu wamkulu, ndi wakuchita zodabwitsa;

Inu ndinu Mulungu, nokhanu.

11 Mas. 25.2, 5 Mundionetse njira yanu, Yehova;

ndidzayenda m'choonadi chanu,

muumbe mtima wanga ukhale umodzi kuti uliope dzina lanu.

12Ndidzakuyamikani, Ambuye, Mulungu wanga,

ndi mtima wanga wonse;

ndipo ndidzalemekeza dzina lanu nthawi zonse.

13 Mas. 116.8 Pakuti chifundo chanu cha pa ine nchachikulu;

ndipo munalanditsa moyo wanga kunsi kwa manda.

14Mulungu, odzikuza andiukira,

ndi msonkhano wa anthu oopsa afuna moyo wanga,

ndipo sanaike Inu pamaso pao.

15 Eks. 34.6; Neh. 9.17 Koma Inu, Ambuye, ndinu Mulungu wansoni ndi wachisomo,

wopatsa mtima msanga, ndi wochulukira chifundo ndi choonadi.

16 Mas. 25.16 Mundibwerere ine, ndi kundichitira chifundo;

mpatseni mtumiki wanu mphamvu yanu,

ndipo pulumutsani mwana wa mdzakazi wanu.

17Mundichitire chizindikiro choti chabwino;

kuti ondida achione, nachite manyazi,

popeza Inu, Yehova, munandithandiza ndi kundisangalatsa.