MASALIMO 60 - Buku Lopatulika ndilo Mau a Mulungu

Madandaulo ndi pempho la DavideKwa Mkulu wa Nyimbo: pa Susan-Eduti. Mikitamu wa Davide; lakulangiza; muja analimbana nao Aramu Naharaimu ndi Aramu Zoba, nabwera Yowabu anapha a Edomu kuchigwa cha Mchere zikwi khumi mphambu ziwiri.

1 Mas. 44.9 Mwatitaya Mulungu, mwatipasula;

mwakwiya; tibwezereni.

2 2Mbi. 7.14 Mwagwedeza dziko, mwaling'amba.

Konzani ming'alu yake; pakuti ligwedezeka.

3 Yes. 51.17, 22 Mwaonetsa anthu anu zowawa,

mwatimwetsa vinyo wotinjenjemeretsa.

4 Mas. 20.5 Koma mwapatsa mbendera akuopa Inu,

aikweze chifukwa cha choonadi.

5 Mas. 108.6-13 Kuti okondedwa anu alanditsidwe,

pulumutsani ndi dzanja lanu lamanja, ndipo mutivomereze.

6 Amo. 4.2 Mulungu walankhula m'chiyero chake; ndidzakondwerera,

ndidzagawa Sekemu, ndidzayesa muyeso chigwa cha Sukoti.

7 Gen. 49.10 Giliyadi ndi wanga, Manasenso ndi wanga;

ndipo Efuremu ndi mphamvu ya mutu wanga;

Yuda ndiye wolamulira wanga.

8 2Sam. 8.12, 14 Mowabu ndiye mkhate wanga;

pa Edomu ndidzaponya nsapato yanga.

Filistiya, fuulatu chifukwa cha ine.

9Adzandifikitsa ndani m'mzinda wa m'linga?

Adzanditsogolera ndani ku Edomu?

10 Mas. 60.1 Si ndinu, Mulungu, amene mwatitaya?

Osatuluka nao makamu athu, Mulungu.

11 Mas. 118.8 Tithandizeni kunsautso;

kuti chipulumutso cha munthu ndi chabe.

12 1Mbi. 19.13 Mwa Mulungu tidzachita molimbika mtima,

ndipo Iye adzapondereza otisautsa.