MASALIMO 121 - Buku Lopatulika ndilo Mau a Mulungu

Mulungu Msungi wokhulupirika wa anthu akeNyimbo yokwerera.

1Ndikweza maso anga kumapiri:

Thandizo langa lidzera kuti?

2 Mas. 124.8 Thandizo langa lidzera kwa Yehova,

wakulenga kumwamba ndi dziko lapansi.

3 1Sam. 2.9; Yes. 27.3 Sadzalola phazi lako literereke:

Iye amene akusunga sadzaodzera.

4Taonani, wakusunga Israele

sadzaodzera kapena kugona.

5 Yes. 25.4 Yehova ndiye wakukusunga;

Yehova ndiye mthunzi wako wa kudzanja lako lamanja.

6 Yes. 49.10 Dzuwa silidzawamba usana,

mwezi sudzakupanda usiku.

7 Mas. 97.10 Yehova adzakusunga kukuchotsera zoipa zilizonse;

adzasunga moyo wako.

8 Deut. 28.6 Yehova adzasungira kutuluka kwako ndi kulowa kwako,

kuyambira tsopano kufikira nthawi zonse.