MASALIMO 11 - Buku Lopatulika ndilo Mau a Mulungu

Yehova asunga anthu ake nalanga oipaKwa Mkulu wa Nyimbo. Salimo la Davide.

1 1Sam. 26.20; Mas. 56.11 Ndakhulupirira Yehova,

mutani nkunena kwa moyo wanga,

Thawirani kuphiri lanu ngati mbalame?

2Pakuti, onani, oipa akoka uta,

apiringidza muvi wao pansinga,

kuwaponyera mumdima oongoka mtima.

3Akapasuka maziko,

wolungama angachitenji?

4 Mas. 33.13-14; Yes. 66.1; Hab. 2.20 Yehova ali mu Kachisi wake woyera,

Yehova, mpando wachifumu wake uli mu Mwamba;

apenyerera ndi maso ake, ayesa ana a anthu ndi zikope zake.

5 Gen. 22.1; Yak. 1.12 Yehova ayesa wolungama mtima,

koma moyo wake umuda woipa ndi iye wakukonda chiwawa.

6 Ezk. 38.22 Adzagwetsa pwatapwata misampha pa oipa;

moto ndi miyala ya sulufure,

ndi mphepo yoopsa zidzawagawikira m'chikho chao.

7 Mas. 45.7; 1Yoh. 3.2 Pakuti Yehova ndiye wolungama; akonda zolungama;

woongoka mtima adzapenya nkhope yake.