MASALIMO 42 - Buku Lopatulika ndilo Mau a Mulungu

Mtima wolira kuyanjana ndi Mulungu mu KachisiKwa Mkulu wa Nyimbo. Chilangizo cha kwa ana a Kora.

1 Yow. 1.20 Monga nswala ipuma wefuwefu kukhumba mitsinje;

motero moyo wanga upuma wefuwefu kukhumba Inu, Mulungu.

2 Mas. 63.1; Yoh. 7.37 Moyo wanga uli ndi ludzu la kwa Mulungu,

la kwa Mulungu wamoyo.

Ndikadze liti kuoneka pamaso pa Mulungu?

3 Mas. 79.10; 80.5 Misozi yanga yakhala ngati chakudya changa,

usana ndi usiku;

pakunena iwo kwa ine dzuwa lonse,

Mulungu wako ali kuti?

4 Mas. 62.8; Yes. 30.29 Ndidzikumbukira izi ndipo nditsanulira moyo wanga m'kati mwa ine,

pakuti ndinkapita ndi unyinji wa anthu,

ndinawatsogolera kunyumba ya Mulungu,

ndi mau akuimbitsa ndi kuyamika,

ndi unyinji wakusunga dzuwa lokondwera.

5 Mas. 43.5 Udziweramiranji moyo wanga iwe?

Ndi kuzingwa m'kati mwanga?

Yembekeza Mulungu, pakuti ndidzamyamikanso

chifukwa cha chipulumutso cha nkhope yake.

6Mulungu wanga, moyo wanga

udziweramira m'kati mwanga;

chifukwa chake ndikumbukira Inu m'dziko la Yordani,

ndi mu Aheremoni, m'kaphiri ka Mizara.

7 Yon. 2.3 Madzi akuya aitanizana ndi madzi akuya,

pa mkokomo wa matiti anu;

mafunde onse a nyondonyondo anandimiza ine.

8 Mas. 77.6; Mac. 16.25 Koma usana Yehova adzalamulira chifundo chake,

ndipo usiku nyimbo yake idzakhala ndi ine.

Inde pemphero la kwa Mulungu wa moyo wanga.

9 Mas. 43.2 Ndidzati kwa Mulungu, thanthwe langa,

mwandiiwala chifukwa ninji?

Ndimayenderanji wakulira

chifukwa cha kundipsinja mdaniyo?

10 Mas. 42.3 Adani anga andinyoza ndi kundithyola mafupa anga;

pakunena ndine dzuwa lonse,

Mulungu wako ali kuti?

11 Mas. 42.5 Udziweramiranji moyo wanga iwe?

Ndi kuzingwa m'kati mwanga?

Yembekeza Mulungu; pakuti ndidzamlemekeza tsopanonso,

ndiye chipulumutso cha nkhope yanga ndi Mulungu wanga.