1Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,
2bautizarinamanta, criccunapac uma jahuapi maquita churanamanta, huañushcacuna causarinamanta, huiñaita jatun llaquiman cachanamanta ama cutinllatac cutinllatac yachacushunchic.
3Dios munacpica, alli yachaccuna cangapac allita yachacushun.
4Maijanpish Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,
5Diospac sumac rimashcatapish, shamuc punzhapi Dios imata ruhuana cashcatapish yachac chayashca jahua,
6Crinata saquishpaca mana Dios-huan alli tucungapac tigrari pudinchu. Paicuna Diospac Churitaca tucuipac ñaupapi pucllashpa, cutin chacatacuc shina ruhuancuna.
7Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.
8Ashtahuanpish cashallata, mana alli quihuallata pucucca, mana alli allpachu. Chaicunataca Dios piñarishpami ñalla tucuchinga.
Jesucristo yuyailla alli canamanta9Cuyashca criccuna, cashna rimashpapish cancuna allita ruhuashpa, quishpirinaman pushac ñanta caticushcatami yachanchic.
10Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.
11Dios tucui pactachingacaman, chashna allita catichunmi munanchic.
12Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.
13Diosca paimanta yalli pi mana tiyacpi, Abrahamhuan paipac shutipi,
14ari nishpaca: “Canmanca achca allicunatami cusha, shinallatac canmantami achcata mirachisha” nishca.
15Abrahamca cushicushpa piñarishpa, shuyacushpami, Dios cusha nishcataca chasquirca.
16Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.
17Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.
18Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.
19Cai shuyacushca yuyaica, barcota charic llashac fierro anclas shinami, ñucanchic yuyaitaca alli sinchita charicun. Cai shuyacushcami, ñucanchictaca jahua pacha Diosta mañana huasipi tiyac, lienzo paño jarcashca Diospaclla ucuman yaicuchin.
20Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinami, huiñaita jatun mandac cura tucurca.
Who We AreWhat We EelieveWhat We Do
2025 by iamachristian.org,Inc All rights reserved.
