1Mandac Diostaca,
allita ruhuaccunahuan cashpa,
jatun tandanacuipimi
tucui shunguhuan alabasha.
2Mandac Dios ruhuashcacunaca jatunmi.
Chashna allita ruhuachun munaccunaca
paitami mashcan.
3Pai ruhuashcacunaca
sumaimana achicllami.
Shinallatac huiñaita
cashcata ruhuacmi.
4Mandac Diosca
cuyac llaquic cashpami,
mana cungaripac allicunata
ruhuarca.
5Paita manchaccunamanca
micunatami carashca.
Paihuan ari nishcatapish,
huiñaitami yuyaricunga.
6Shuctac pueblota quichushpaca,
pai imatapish ruhuac sumaimana
cashcatami pai acllashcacunamanca
ricuchirca.
7Pai ruhuashcacunapica
ima llulla mana tiyanchu.
Cashcallata ruhuashcami.
Pai mandashcacunaca
ima pandaita mana charinchu.
8Cai mandashcacunaca
huiñai huiñaipac
pi mana cuyuchipacmi.
Chai mandashcacunaca
mana llullashpa allita
ruhuashcami.
9Pai acllashcacunaman
quishpichicta cachashpami,
huiñai huiñaipac ari nirca.
Paica jucha illac manchana Diosmi.
10Yallita yachac cangapacca
Mandac Diostaracmi manchana can.
Tucui pai mandashcacunata
ruhuashpa causaccunami
alli yuyaita charin.
Diosca huiñaita
jatunyachishca cachun.
Who We AreWhat We EelieveWhat We Do
2025 by iamachristian.org,Inc All rights reserved.
