1¡Aij, mana alli mandashcacunata
churaccunalla!
¡Shuccunata llaquichingapac
mandashcata churaccunalla!
2¡Huacchacunata llaquichingapac,
llaquilla causac ñuca acllashcacuna
japina cashcata quichungapac,
viudamanta, taita mama illac
huahuacunamanta shuhuangapacmi
chashnaca ruhuanguichic!
3Taripashpa llaquichina punzhapi
caru llactamanta tucuchingapac
shamucpica,
¿imatac tucugringuichic?
¿Pitatac ayudachun
mañagringuichic?
Cancuna sumaimana cashcaca,
¿imatac tucunga?
4Cancunaca prezu caccuna shina,
cumurichishca,
huañuchishcacuna shina
urmashcami canguichic.
Chashna llaquichishpapish
Mandac Diosca nina japiric shina
piñarishcataca
mana pasachishcachu.
Ashtahuanpish llaquichingaracmi.
Mandac Dios Asiria llactajatun mandac-huan llaquichinamanta5Mandac Diosca:
«¡Asiria llactata jatun mandaclla,
ñuca yallita piñarishpa
macana varami cangui!
Ñuca yallita piñarishpa
macana caspica cambac maquipimi.
6Ñucata mana manchac,
ñucata piñachic llactata,
ñuca piñashca gentecunata
llaquichichunca paitami cachasha.
Chashna cachacpimi,
tucui charishcacunata quichushpa,
ñanpi siric turuta shina sarunga.
7Paica chashna ruhuacushcataca
mana yuyaringachu.
Shungullapipish mana yuyaringachu.
Ashtahuanpish achca llactata
tucuchishpa chingachinallatami
yuyaricunga.
8Paica: “Ñuca churashca
mandaccunaca, ¿manachu
tucui jatun mandaccuna?
9Ñucamanca Calno llactaca
Carquemis llacta shinallatacmi.
Hamat llactapish,
Arfad llacta shinallatacmi.
Samaria llactapish Damasco
llacta shinallami.
10Ñucaca Jerusalenpi, Samariapica
ruhuashcalla dioscuna jundachishca
llactacunatami japircani.
11¿Manachu Jerusalentapish
Samaria llactata ruhuashca shina
ruhuashcalla dioscunandi
tucuchisha?” ninga» nirca.
12Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.
13Asiria llactata jatun mandacca:
«Ñuca poderhuan,
ñuca alli yuyaiyuc cashpami
caitaca ruhuani.
Ñucaca alli yachacmi cani.
Cai tucui gentecunapac
llactacunatapish, paicuna ima
charishcacunatapish quichushpami,
jatun mandaccunataca
sinchi runacuna shina
jahualla misharcani.
14Chai llactacunapac charishcataca
cuzhapi maquita satishpa
rurucunata taric shinami japircani.
Shitashca rurucunata
tandac shinami tandachircani.
Chashna japicucpica, ima animalpish
mana alasta pascarcachu.
Shinallatac huacangapacpish
mana picota pascarcachu» nirca.
15¿Hachaca yantata chictac runata
yallichu canga?
¿Serruchopish cuchuc runataca
yallichu canga?
¡Shina cashpaca, tauna caspipish
paita apacuc runata apanmanmi!
¡Shinallatac ñañu varapish,
racu caspita apanmanmi!
16Chaimantami tucuita Mandac Diosca
sinchi soldadocunaman
ungüita cachanga.
Paicuna sumaimana cacpipish
paicunapac chaupipi
ninata japichicpimi,
ninaca ucllaric shina tucuchinga.
17Israelcunapac luzca
ninami tucunga.
Jucha illac Diosca
rupacuc ninami tucunga.
Chashnami shuc punzhallapi
cardoscunata, cashacunata
rupachic shina tucuchinga.
18Paicunapac sumaimana
sachacunapish,
alli pucuc pambacunapish
tucuimi chingaringa.
Chashnami mana jambiripac ungüihuan
huañucuc runa shinami tucuringa.
19Sachapi maijanlla saquirishca
yuracunataca uchilla huahuacunapish
yupai pudingami.
20Chai punzhacunapica israelpuramanta,
Jacobopac huasi ucupuramanta
puchushcacunaca ña mana ashtahuan
paicunata llaquichiccuna
parte tucungachu.
Ashtahuanpish israelcunata
Mandac jucha illac Diosllatami
tucui shunguhuan yuyarishpa causanga.
21Jacobopac huahua huahuapuramanta
saquirishcacunaca jatun
poderyuc Diospacmanmi cutiringa.
22Israelcunaca,
mama cucha patapi tiyac
tiyu shina achca cashpapish
maijancunallami cutiringa.
Mandac Diosca paicunata
llaquichinata yuyarishcami.
Cashcata ruhuashpami llaquichinga.
23Tucuita Mandac Dios
llaquichingapac yuyarishcataca
tucui llactapi causaccunapac ñaupapimi
pactachinga.
24Tucuita Mandac Diosca:
«Sión urcupi causac ñuca
acllashcacunalla,
Asiria llacta jatun mandactaca
ama manchaichicchu.
Paicunaca Egiptopi
causaccuna shinami
varallahuan macanga.
25Ashtahuanpish asha punzha
quipaca ñuca yallita
piñarishcataca pasachishami.
Chai quipaca nina japiric shina
piñarishpami paicunata tucuchisha»
nirca.
26Tucuita Mandac Diosca
Oreb jatun quingrai ladopi,
Madián llactapi
huañuchishca shinami,
paicunataca huañuchinga.
Varata alzashpa, Egipto runacunata
yacupi ucuyachishca shinami,
paicunatapish tucuchinga.
27Chai punzhacunapica
cancuna apashca
llashac quipitapish,
cancunapac cungapi churashca
yugotapish anchuchingami.
Aceiteta umapi tallicpimi,
chai yugoca ñuturinga.
Asiria llacta soldadocunaJerusalenman chayashcamanta28Soldadocuna Ajat llactaman
chayashpami, Migrón llactaman
pasashpa rirca.
Micmas llactapimi yupanga.
29Ashalla yacuta pasashpami
Geba llactapi pacarirca.
Ramá llactapi causaccunaca
chucchurcami.
Saulpac Gabaa llactamantapish
miticushpami callparca.
30¡Galim llactapi
causac huarmicunalla,
Lais llactaman uyaricta sinchita
caparichicyari!
¡Anatot llactapi causaccunapish
llaquitamari apacunguichic!
31Madmena llactapi causaccunapish
manchashpami caparincuna.
Gebim llactapi causaccunapish
miticushpami callpancuna.
32Cunanllatacmi Nob llactaman
shamushpa, Jerusalenpi tiyac
Sión urcu ladoman maquita chutanga.
33Tucuita Mandac Diosca
piñarishpami jatun
ramacunatapish pitinga.
Jatun yuracunatapish pitishpami
polvonga.
34Jatun sacha ucuman hachahuan
yaicushpami tigrachinga.
Líbano urcu yuracunaca
tulun nishpami tigranga.
Who We AreWhat We EelieveWhat We Do
2025 by iamachristian.org,Inc All rights reserved.
