1Mandac Dioslla,
ñucata cashcata ruhuailla.
Ñucaca ima pandata
mana ruhuashpa causashcanichu.
Chashnallatac can Mandac Diospimi
shunguta churarcani.
Canmantaca mana anchurishachu.
2Mandac Dioslla,
ñuca ima shina cacta
allita ricuilla.
Ñuca yuyaitapish, ñuca
shungutapish chuyata ruhuailla.
3Can llaquishcataca
ñuca yuyaipimi charini.
Cambac mana llullashca
shimi nishca shinami causani.
4Ñucaca llullaccunahuanpish
mishqui shimi jayac
shungu runacunahuanpish
mana tandarircanichu.
5Millaita ruhuaccuna
tandanacuitaca mana ricunayanchu.
Canta mana manchaccunahuanca
jaicapi mana tandarircanichu.
6Mandac Dioslla, ñuca ima millaita
mana ruhuashcamantami,
maquita jahuarishpa
cambac altar muyundiman risha.
7Chashna rishpami
canta pagui nishpa cantasha.
Cambac sumac ruhuashcacunatami
huillasha.
8Mandac Dioslla, cambac sumaimana
causana huasitaca cuyanimi.
9Ñucataca ama juchayuccunahuan
tandachishpa huañuchichu.
Huañuchic runata shinaca
ama causaita quichuichu.
10Paicunapac maquicunahuanca
millaillatami ruhuancuna.
Alli maquihuanca pacalla cushca
cullquitami yallita japincuna.
11Ashtahuanpish ñucaca
allillatami ruhuashpa purisha.
Ñucataca llaquishpa
quishpichiyari.
12Ñuca chaquihuanca
alli ñanpimi shayacuni.
Mandac Dioslla,
cantaca tucui tandanacushcapac
chaupipimi alli nisha.
Who We AreWhat We EelieveWhat We Do
2025 by iamachristian.org,Inc All rights reserved.
