1Cutinllatac huichaita ricushpaca, quillcashca cara jahuata ricuctami ricurcani.
2Chai ángel ñucata tapushpaca:
—¿Imatatac ricucungui?— nirca.
Shina nicpimi ñucaca:
—Largomanca iscun metro, anchomanca chuscu metro chaupi pillushca cara huairapi rictami ricucuni— nircani.
3Shina nicpimi angelca:
—Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.
4Tucuita Mandac Diosca:
«Chai llaquicunataca
ñucami cacharcani.
Chai llaquimi shuhuaccunapac
huasimanpish, ñuca shutipi
llullashpa ari niccunapac
huasimanpish chayanga.
Chashnami paicunapac
huasicunapi tiyac
caspicunatapish, rumicunatapish
tucuchinga» ninmi.
Granota medina cajonpi shuc huarmi tiyacushcamanta5Ñucahuan parlacuc ángel llucshimushpaca:
—Cambac ñahuita alzashpa, ima ricurimucucta ricuiyari— nirca.
6Chaita ricushpami ñucaca:
—Chaica, ¿imatac?— nircani.
Shina tapucpimi angelca:
—Chai can ricushcaca granota medina cajonmi. Chai cajonca tucui cai pachapi causaccunapac juchata medingapacmi— nirca.
7Plomomanta ruhuashca tapata pascacpica, shuc huarmimi chai cajón chaupipi tiyacushca carca.
8Chai angelca:
—Cajón ucupi tiyacuc huarmica gentecunapac mana allita ruhuashcami— nirca.
Shina nishpami, chai huarmitaca cajón ucullapitac churashpa, llashac plomohuan taparca.
9Cutin huichai ricushpaca, ishcai huarmicuna cigüeña animalpac alascunayuc shamucuctami ricurcani. Paicunaca chai alascunapimi huairata apamurca. Chai alasyuc huarmicunaca cajonta apashpami vola rirca.
10Chaimantami ñucahuan parlacuc angeltaca:
—Cajontaca, ¿maimantac apacun?— nircani.
11Shina tapucpimi angelca:
—Chaitaca Sinar llactaman apashpami, Diosta yuyarina huasita ruhuanga. Chai huasita ña tucuchishca cacpimi, cajonta churana pushtupimi churanga— nirca.
Who We AreWhat We EelieveWhat We Do
2025 by iamachristian.org,Inc All rights reserved.
