1Shuc mandac-huan micungapac tiyarishpaca,
paihuan tiyacushcataca alli yuyaringui.
2Yallita micunayaihuan cashpaca,
cuchillota cungapi churac shina jarcaringui.
3Chai mandacpac sumac micunataca
ama yallita munanguichu.
Chaicunaca pandachiclla micunami.
—7—4Ama chayucyanallata munanguichu.
Chai munaita saquishpa,
alli yuyaihuan puringui.
5¿Charic tucunaca yangalla cashcataca,
manachu ricungui?
Chaicunaca alas huiñacpi,
anga jatarishpa jahuata ric shinami,
cungailla chingarinlla.
—8—6Ama misa runahuan
micungapac tiyaringuichu.
Chai sumaimana micunata
ama munanguichu.
7Paica, paipac shungupi ima shina
yuyaricushca shinallatac cashpami:
«Micuilla, ubiailla» ninga.
Shina cashpapish
mana tucui shunguhuanchu chashnaca nicun.
8Chai micushcataca arcadanguimi.
Can sumacta pagui nishcapish yangami canga.
—9—9Yuyai illac runataca ama rimanguichu.
Can cushca alli yuyaitaca
mana chasquisha ningachu.
—10—10Cambac ñaupa taitacuna churashca
linderotaca ama cuyuchinguichu.
Taita mama illac huahuacunapac allpapipish
ama yaicuringuichu.
11Paicunata cuidac Diosca yallita sinchimi.
Paimi paicunata llaquichishcamanta
cantapish llaquichinga.
—11—12Yachachishca shimicunataca
tucui shunguhuan pactachingui.
Alli yachachishpa rimashcacunata
cambac ringrihuan uyangui.
—12—13Huahuata yachachishpa dalinataca
ama saquinguichu.
Angullahuan dalicpica mana huañungachu.
14Anguhuan yachachishpa dalishpaca,
paipac alma Seolman rinamantami
quishpichingui.
—13—15Ñuca huahualla, cambac shungu yuyaisapa
cacpica, ñuca shungupish cushicungami.
16Can imatapish allita rimacpica,
ñuca shungupish cushicungami.
—14—17Ama cambac shungupi juchayuccuna
shina causanata munaichu.
Chaipac randica punzhanta
Mandac Diosllata manchashpa causangui.
18Chashna cacpica, shamuc punzhacuna
canman allimi canga.
Shinallatac can shuyacushcaca
mana yangachu canga.
—15—19Ñuca huahualla, ñucata uyashpa
alli yachaisapa cangui.
Cambac shunguta allichishpa,
alli ñanta catingui.
20Vinota ubiaccunahuanpish,
yallita micuc runacunahuanpish
ama tandanacunguichu.
21Chaica, machac runapish,
yallita micuc runapish huacchami tucunga.
Sueñushpalla causashpami
lliqui churanata churaringa.
—16—22Cambac quiquin taitataca cazungui.
Cambac mama yuyacyacpica
ama millanguichu.
23Cashcata nishpa causanatapish,
alli yachaitapish,
alli yuyaita cushcatapish
randic shina chasquishpaca,
ama catunguichu.
24Cashcata ruhuac runapac
taitaca yallitami cushicun.
Yuyaisapa churipac taitaca
chai churihuanmi cushicunga.
25Cambac taitapish,
canta sajuaric mamapish
yallita cushicuchun.
—17—26Ñuca huahualla,
tucui shunguhuan ñucata uyaiyari.
Cambac ñahuihuanca
ñuca ima shina causashcata ricuiyari.
27Cullquimanta huainayac huarmica
yallita ucu jutcu shinami.
Shucpac huarmica
quichqui jutcu shinami.
28Chai huarmica shuhuac shinami,
pacalla chapacun.
Paica achca runacunatami
pandachishpa urmachin.
—18—29¿Pipactac aij nishpa purinaca?
¿Pipactac nanaihuan causanaca?
¿Pipactac piñanacushpa purinaca?
¿Pipactac aij nishpa huacanaca?
¿Pipactac yanga chugrichishca purinaca?
¿Pipactac ñahui verdiyashca purinaca?
30Chai llaquicunaca vinota ubiaccunapac,
chapushca vinota ubiashpalla
causaccunapacmi can.
31Vasopi pucanlla cactapish,
churacpi vino tallirishpa
jagan nicuctapish, cungataca mishquilla
pasarictapish ama munaichu.
32Ashtahuanpish chai quipaca
culebra shinami caninga.
Millai culebra canishca shinami venenanga.
33Cambac ñahuipica mana
ricurishcacunami ricuringa.
Cambac shungupish millai rimaicunatami
rimachinga.
34Mama cucha chaupipi siricushca shina.
Jatun barco chaupipi shayacuc caspi
puntapi tiyacushca shinami cangui.
35Canca: «Macashcacunami.
Shina cacpipish, mana nananchu.
Chugrichishcacunami.
Shina cacpipish, mana yuyarinichu.
Riccharishpaca ubiagrishallatacmi» ninguimi.
Who We AreWhat We EelieveWhat We Do
2025 by iamachristian.org,Inc All rights reserved.
