1Dioslla, canpimi miticuni,
ñucata cuidaiyari.
2Ñuca almalla Mandac Diostaca:
«¡Canmi ñucata mandac cangui!
Ñucapacca canmanta ashtahuan shucca
pipish mana tiyanchu.
3Cai pachapi cambac caccunahuan,
ima pandata mana ruhuaccunahuanmi
yallita cushicuni» nircami.
4Shuctac diosta serviccunaca
yallitami nanaicunahuan canga.
Ñucaca chai dioscunamanca
ima animalcunapac yahuarta cushpa,
mana chirapashachu.
Chaicunapac shuticunataca
mana rimashachu.
5Mandac Dioslla,
canmi ñucamanca imatapish cungui.
¡Ñuca causaica cambac maquipimi!
6Ñucaman cungapac allpata medicpica,
sumac allpatami japircani.
Ñucaman cushca allpaca
sumaimanami carca.
7Mandac Diostaca alli nishami.
Paimi ñucataca sumacta riman.
Tutacunaca ñuca yuyaipimi riman.
8Ñuca causaipica Mandac Diostami
tucuipac ñaupapi churani.
Pai ñuca alli ladopi cacpica,
imapish mana cuyuchingachu.
9Chaimantami ñuca shunguhuan,
ñuca almahuan paimanta cushicuni.
Ñuca cuerpopish imata mana
manchashpami samaringa.
10Ñuca almata Seolpica mana
saquinguichu.
Cambaclla ñuca aichatapish
mana ismuchun saquinguichu.
11Ñucamanca causaiman apac ñantami
ricuchingui.
Cambac ñaupapica
yallita cushicuimi tiyan.
Cambac alli ladopica
huiñaitami cushicui tiyan.
Who We AreWhat We EelieveWhat We Do
2025 by iamachristian.org,Inc All rights reserved.
