1Dioslla, ñuca mañashcata uyaiyari.
Ñucata piñaccuna ama manchachichun cuidaiyari.
2Millai runa yuyaita cunamanta huacaichiyari.
Huañuchishpa tucuchishun
niccunamanta huacaichiyari.
3Paicunapac callucunataca
filo espadata shinami allichincuna.
Arcota shitac shinami
jayac shimicunata parlancuna.
4Chaihuanmi mana faltayuc runata
pacallamanta shitancuna.
Chashnami cungailla,
imatapish mana manchashpa shitancuna.
5Mana allita ruhuangapacmi
paicunapura cushichinacuncuna.
Chashna cushichinacushpa,
pacalla tucllata churashpaca:
«¿Pitac caitaca ricungayari?» nincuna.
6Mana allita ruhuangapacca paicunapurami
allita yuyarinacuncuna.
Chashnami allita yuyarishpa,
tucui shunguhuan ruhuancuna.
7Shina cacpipish, Diosmi
paipac flechacunallahuantac chugrichinga.
Cungaillami mai llaquicuna japinga.
8Paicunapac rimashcallatacmi
llaquipi churanga.
Chaita tucui ricuccunaca
umata cuyuchishpami
burlancuna.
9Chashna ruhuacpimi,
tucui gentecuna manchashpa
Dios ima ruhuashcata huillangacuna.
Shina huillacpimi,
pai ruhuashcataca entendingacuna.
10Cashcata ruhuac runaca Dios-huan
cushicushpami Paipi shunguta churanga.
Alli shungucunaca tucuimi cushicungacuna.
Who We AreWhat We EelieveWhat We Do
2025 by iamachristian.org,Inc All rights reserved.
