1 CRÓNICAS 6 - Biblia Quichua Cañar 2010

Levipac huahua huahuacunamanta

1Levipac churicunaca: Gersón, Coat, shinallatac Merarimi carca.

2Coatpac churicunaca: Amram, Izhar, Hebrón, shinallatac Uzielmi carca.

3Amrampac churicunaca: Aarón, Moisés shinallatac paicunapac pani Mariami carca. Aaronpac churicunaca: Nadab, Abiú, Eleazar, shinallatac Itamarmi carca.

4Eleazarca Finees churitami charirca. Fineesca Abisúa churitami charirca.

5Abisuaca Buqui churitami charirca. Buquica Uzi churitami charirca.

6Uzica Zeraías churitami charirca. Zeraiasca Meraiot churitami charirca.

7Meraiotca Amariasmi churitami charirca. Amariasca Ahitob churitami charirca.

8Ahitobca Sadoc churitami charirca. Sadocca Ahimaas churitami charirca.

9Ahimaasca Azarías churitami charirca. Azariasca Johanán churitami charirca.

10Johananca Azarías churitami charirca. Paimi Jerusalenpi Salomón shayachishca Diospac huasipica cura carca.

11Azariasca Amarías churitami charirca. Amariasca Ahitob churitami charirca.

12Ahitobca Sadoc churitami charirca. Sadocca Salum churitami charirca.

13Salumca Hilcías churitami charirca. Hilciasca Azarías churitami charirca.

14Azariasca Seraías churitami charirca. Seraiasca Josadac churitami charirca.

15Judá llactapi causaccunata, Jerusalenpi causaccunata Mandac Dios Nabucodonosorta prezu apachun saquicpimi Josadactapish prezu aparca.

16Levipac churicunaca: Gersón, Coat, shinallatac Merarimi carca.

17Gersonpac churicunaca: Libni, shinallatac Simeimi carca.

18Coatpac churicunaca: Amram, Izhar, Hebrón, shinallatac Uzielmi carca.

19Meraripac churicunaca: Mahli, shinallatac Musimi carca.

Paicunami Levipac huahua huahua familiacunaca carca.

20Gersonpac huahua huahuacunaca: Libni, Sahat, Zima,

21Joa, Iddo, Zera, shinallatac Jeatraimi carca.

22Coatpac huahua huahuacunaca: Aminadab, Coré, Asir,

23Elcana, Ebiasaf, Asir,

24Tahat, Uriel, Uzías, shinallatac Saulmi carca.

25Elcanapac churicunaca: Amasai, shinallatac Ahimotmi carca.

26Ahimotpac huahua huahuacunaca: Elcana, Zofai, Nahat,

27Eliab, Jeroham, shinallatac Elcanami carca.

28Samuelpac churicunaca: Puntaca Vasni, quipaca Abiasmi carca.

29Meraripac huahua huahuacunaca: Mahli, Libni, Simei, Uza,

30Simea, Haguía, shinallatac Asaiasmi carca.

Diospac huasipi cantaccunata churashcamanta

31Arcata Mandac Diospac huasipi Moisés churashpaca cantaccunatami cantachun churarca.

32Paicunami Mandac Diospac huasita Jerusalenpi Salomón tucui ruhuangacaman, Dios-huan tupana huasi ñaupapi cantaccuna carca. Chai quipaca, paicuna imata ruhuana cashca shinallatacmi Diospacta ruhuarcacuna.

33Paicunapac churicunahuan cantashpa ayudaccunaca: Cohatpac huahua huahuapuramantaca Hemanmi carca. Hemanca Joelpac churi, Joelca Samuelpac churi,

34Samuelca Elcanapac churi, Elcanaca Jerohampac churi, Jerohamca Elielpac churi, Elielca Toapac churi,

35Toaca Zufpac churi, Zufca Elcanapac churi, Elcanaca Mahatpac churi, Mahatca Amasaipac churi,

36Amasaica Elcanapac churi, Elcanaca Joelpac churi, Joelca Azariaspac churi, Azariasca Sofoniaspac churi,

37Sofoniasca Tahatpac churi, Tahatca Asirpac churi, Asirca Ebiasafpac churi, Ebiasafca Corepac churi,

38Coreca Izharpac churi, Izharca Cohatpac churi, Cohatca Levipac churi, Levica Israelpac churimi carca.

39Hemanpac alli ladomanca paipac huauquipuramanta Asafmi carca. Asafca Berequiaspac churi, Berequiasca Simeapac churi,

40Simeaca Micaelpac churi, Micaelca Baasiaspac churi, Baasiasca Malquiaspac churi,

41Malquiasca Etnipac churi, Etnica Zerapac churi, Zeraca Adaiaspac churi,

42Adaiasca Etanpac churi, Etanca Zimapac churi, Zimaca Simeipac churi,

43Simeica Jahatpac churi, Jahatca Gersonpac churi, Gersonca Levipac churimi carca.

44Hemanpac lluqui ladomanca paipac huauquipuramanta Meraripac huahua huahuapurami carca. Paicunaca: Quisipac churi Etán, Quisica Abdipac churi, Abdica Malucpac churi,

45Malucca Hasabiaspac churi, Hasabiasca Amasiaspac churi, Amasiasca Hilciaspac churi,

46Hilciasca Amsipac churi, Amsica Banipac churi, Banica Semerpac churi,

47Semerca Mahlipac churi, Mahlica Musipac churi, Musica Meraripac churi, Merarica Levipac churimi carca.

48Levitapurallatac paipac caishuc huauquicunaca Dios-huan tupana huasipimi tucui ima ruhuana cashcata ruhuachun churashca carca.

Aaronpac huahua huahuacunamanta

49Mandac Diosta servic Moisés mandashca shinallatacmi Aaronca paipac churicunahuan animalta Diosman cushpa rupachirca. Inciensotapish rupachircami. Shinallatac Diospaclla chicanyachishca ucupipish, Diospacta ruhuashpami, israelcunapac juchacunamantapish Diosman curca.

50Aaronpac huahua huahuacunaca: Eleazar, Finees, Abisúa,

51Buqui, Uzi, Zeraías,

52Meraiot, Amarías, Ahitob,

53Sadoc, shinallatac Ahimaasmi carca.

Levitacunapac pueblocunamanta(Jos 21.1-42)

54Aaronpac huahua huahuacunaman cushca allpacunapish, shinallatac linderocunapish caicunami can: Puntaca, suerteta ruhuashpami Cohatpac huasi ucu familiaman,

55Judá llacta Hebrón pueblota, pueblo muyundi michina pambacunandi curca.

56Ashtahuanpish Hebrón pueblo lado tarpuna allpataca Jefonepac churi Calebmanmi chai muyundi uchilla llactacunandi curca.

57Judá llactapica miticuna pueblocunatami Aaronpac huahua huahuacunaman curca. Chai pueblocunataca Hebrón, Libna, Jatir, Estemoa,

58Hilén, Debir,

59Asán, Bet-semes pueblocunatami, muyundi michina pambacunandi curca.

60Benjamín aillupac llactapica Geba, Alemet, Anatot, pueblocunatami muyundi michina pambacunandi curca. Cohatpac huahua huahuacunaca mashna familiacuna tiyashca shinallatacmi chunga quimsa pueblocunata chaupircacuna.

61Cohatpac huahua huahuapuramanta saquirishca familiacunamanca suerteta ruhuashpami, Manasespac chaupi aillupac llacta chunga pueblocunata curca.

62Gersonpac huahua huahuacunamanca mashna familiacuna cashca shinallatacmi Isacarpac, Aserpac, Neftalipac aillucunapac, Manasespac chaupi aillupac Basán llactapi chunga quimsa pueblocunata curca.

63Meraripac huahua huahuacunamanca mashna familiacuna cashca shinallatacmi Rubenpac, Gadpac, Zabulonpac aillucunapac llactacunapi chunga ishcai pueblocunata curca.

64Chashnami israelcunaca chai pueblocunataca, muyundi michina pambacunandi levitacunaman curca.

65Judapac, Simeonpac, Benjaminpac aillucunapac llactacunapimi suerteta ruhuashpa curcacuna.

66Cohatpac maijan huasi ucu familiacunamanca Efraín aillupac llacta pueblocunatami muyundi pambacunandi curca.

67Miticuna Siquem pueblotapish, muyundi pambacunandimi Efraín urcupi curca. Shinallatac Gezer,

68Jocmeam, Bet-horón,

69Ajalón, Gat-rimón pueblocunatapish, muyundi pambacunandimi curca.

70Cohatpac saquirishca huahua huahuacunamanca Manasespac chaupi aillupac llactapimi Aner, Bilam pueblocunata muyundi pambacunandi curca.

71Gersonpac huahua huahuacunamanca Manasespac chaupi aillupac Basán llactapimi Golán, Astarot pueblocunata muyundi michina pambacunandi curca.

72Isacar aillupac llactapica Cedes, Daberat,

73Ramot, Anem pueblocunatami muyundi michina pambacunandi curca.

74Aser aillupac llactapica Masal, Abdón,

75Hucoc, Rehob pueblocunatami muyundi michina pambacunandi curca.

76Neftalí aillupac llactapica Galilea llacta Cedes pueblota, Hamón, Quiriataim pueblocunatami muyundi michina pambacunandi curca.

77Meraripac maijan saquirishca huahua huahuacunamanca Zabulón aillupac llactapimi Rimón, Tabor pueblocunata muyundi michina pambacunandi curca.

78Rubén aillupac llactapica Jordán yacu chimba ladopi cac Jericó pueblo chimbapurapi cac shitashca pambapi tiyac Beser, Jaza,

79Cademot, Mefaat pueblocunata muyundi michina pambacunandi curca. Chai pueblocunaca inti llucshina ladomanmi can.

80Gad aillupac llactapica Galaad llactapi cac Ramot, Mahanaim,

81Hesbón, Jazer pueblocunatami muyundi michina pambacunandi curca.