1Shamuc punzhapica cashcata ruhuac
jatun mandacmi mandanga.
Shinallatac alli ricushpa,
mandaccunapish tiyangami.
2Chai jatun mandacca
sinchi huairamanta,
acapana huairamanta
jarcac shinami canga.
Chaquishca pambapi
yacu llucshicuc shina,
yallita rupai llandurina
rumi shinami canga.
3Chaimantami ñahuicunapish
mana ashtahuan amsayanga.
Ringripish mana huichcaringa.
4Shungupi mana entendiccunapish
allita entendishpami
allita imatapish ruhuanga.
Jarca jarca rimariccunapish
allitami rimanga.
5Misa runataca
misa runa nishpallatacmi cayanga.
Llulla runatapish
llulla runa nishpallatacmi cayanga.
6Misa runaca misa canamantami
parlan.
Paipac shungupica millaita
ruhuanallatami yuyaricun.
Mandac Diostapish
mana cazushpami burlan.
Yarcaihuan caccunatapish
chushac maquitami saquin.
Yacunayaihuan caccunamanpish
yacuta mana cunchu.
7Llulla runaca ima shina
pandachinallatami
yuyarishpa purin.
Llaquilla caccunata
llullashpa pandachingapacmi
pacalla yuyarishpa purin.
Huacchacuna mandaccunapac
ñaupapi cashcata ruhuachun
mañacpipish llullashpami atin.
8Ashtahuanpish alli shungu runaca
allita ruhuanatami yuyarin.
Shina alli ruhuashcamantami
allita ruhuashpa causan.
Jerusalén huarmicunatarimashcamanta9Imatapish mana llaquic
huarmicuna ñuca rimashcata
jatarishpa uyaichicyari.
Ima llaqui shamunata
mana yuyaric huarmicuna
ñuca imata yuyarishpa
huillashcata uyaichicyari.
10Ima llaqui shamunata
mana yuyarishpa
causac huarmicunalla,
caimanta huata quipaca
uvas chagra mana valicpi,
ña mana pallana tiyangachu.
11Ima llaqui shamunata
mana yuyarishpa causac
huarmicunalla,
manchaihuan chucchuichicyari.
Sharpa churanata churarishpa
llaquilla caichicyari.
12Sumacta pucuc pambacunamanta,
alli uvas chagracunamanta pechopi
huactarishpa huacaichicyari.
13Ñuca acllashcacunapac llactapica
cashacuna, cardoscunami jundanga.
Cushicuna huasi jahuacunapipish,
cushicuna plazacunapipish
chashnami canga.
14Mandashpa tiyana huasipish
shitashcami canga.
Llactapi causac achca gentecuna
bullashcapish mana uyaringachu.
Lomapish, chapana torrecunapish
sacha burrocuna huiñaita causana,
ovejacuna shayanami tucunga.
15Jahua pachamanta Espirituta
ñucanchic jahuaman cachangacaman,
shitashca pambacuna
alli pucuc allpa tucungacaman,
shinallatac pucuc allpa,
sacha allpa tucungacamanmi
chashnaca canga.
16Shina cacpimi,
chai alli allpapica
allita ricushpa ruhuanapish,
cashcata ruhuanapish tiyanga.
17Cashcata ruhuashcamantaca
cushi causaimi tiyanga.
Cashcata ruhuashpa,
causashcamantami samanapish,
cushi causaipish huiñaita tiyanga.
18Ñuca acllashcacunaca
cushilla llactapimi causanga.
Ima llaquipish illac huasipimi
cushilla samaringa.
19Sachacunapi rundu urmashpa
tucuchicpipish,
chai llactapi causaccunata
yallita pingaichicpipish,
20tucui yacu patapi tarpuccuna
huagrata, burrota cacharishpa
michiccunapish cushicuichicyari.
Who We AreWhat We EelieveWhat We Do
2025 by iamachristian.org,Inc All rights reserved.
