1Allpata cungapac ishcainiqui suerteta ruhuacpica, Simeón aillumi mashna cashca shinallatac Judá aillupac chaupipi japirca.
2Paicuna japishca pueblocunaca: Beerseba, Seba, Molada,
3Hazar-sual, Bala, Ezem,
4Eltolad, Betul, Horma,
5Siclag, Bet-marcabot, Hazar-susa,
6Bet-lebaot, shinallatac Saruhén pueblocunami carca. Tucuica chunga quimsa pueblocunami, muyundi uchilla llactacunandi carca.
7Shinallatac Aín, Rimón, Eter shinallatac Asán pueblocunatapish japircami. Tucuica chuscu pueblocunami, muyundi uchilla llactacunandi carca.
8Chai pueblocunataca muyundi uchilla llactacunandimi Simeón aillu mashna cashca shinallatac Ramat-neguev llactapi cac Baalat-beer pueblocaman allpata japirca.
9Simeón ailluca Judá aillupac maijan allpatami japirca. Judá aillupacca yalli achcami carca. Chaimantami Simeonpac ailluca Judá aillupac llacta ucupi allpata japirca.
Zabulonpac aillucunapac allpamanta10Allpata cungapac quimsaniqui suerteta ruhuacpica, Zabulón aillumi japirca. Paicuna mashna cashca shinallatacmi ura ladomanca Sarid pueblocaman japirca.
11Cutin inti tigrana ladomanca Maralá pueblota huichai rishpa, Dabe-set pueblocaman, Jocneam pueblo chimba ladota ric jatun yacucamanmi carca.
12Sarid pueblomantaca inti llucshina ladoman muyushpami Quislot-tabor puebloman chayashpa, Jafía pueblocamanmi huichai ricurca.
13Chaimantaca inti llucshina ladoman rishpami, Gat-hefer, Ita-cazím pueblota pasashpa, Nea pueblota muyushpa, Rimón pueblocaman carca.
14Quipaca jahua ladota rishpa, Hanatón pueblota muyushpa, Jefteel pugru pambamanmi chayarca.
15Shinallatac Catat, Naalal, Simrón, Idala, Belén pueblocunatami japirca. Tucuica chunga ishcai pueblocunami, muyundi uchilla llactacunandi japirca.
16Chai pueblocunataca Zabulón aillumi paicuna mashna cashca shinallatac japirca. Chai pueblocunataca muyundi uchilla llactacunandimi japirca.
Isacarpac aillucunapac allpamanta17Allpata cungapac chuscuniqui suerteta ruhuacpica, Isacar, shinallatac paipac churicunami paicuna mashna cashca shinallatac allpata japirca.
18Paicunapac pueblocunaca: Jezreel, Quesulot, Sunem,
19Hafaraim, Sihón, Anaharat,
20Rabit, Quisión, Abez,
21Remet, En-ganim, Em-hada shinallatac Bet-pases pueblocunami carca.
22Chai llactaca Tabor, Sahazima shinallatac Bet-semes pueblocunata pasashpami Jordán yacucaman carca. Tucuica chunga sucta pueblocunami, muyundi uchilla llactacunandi carca.
23Chai pueblocunataca Isacar aillumi paicuna mashna cashca shinallatac japirca. Chai pueblocunataca muyundi uchilla llactacunandimi japirca.
Aserpac aillucunapac allpamanta24Allpata cungapac pichcaniqui suerteta ruhuacpica, Aser aillumi paicuna mashna cashca shinallatac allpata japirca.
25Paicunapac pueblocunaca: Helcat, Halí, Betén, Acsaf,
26Alamelec, Amad, Misealmi carca. Inti tigrana ladomanca Carmelo urcucaman, Sihor-libnat pueblocamanmi carca.
27Chaimanta inti llucshina ladoman cutishpa, Bet-dagón puebloman chayashpa, jahuamanca Zabulón llactahuan Jefteel pugru pambahuan tupanacuicaman carca. Chaimantaca Bet-emec, Neiel puebloman chayashpa, Cabul pueblo jahua ladocamanmi carca.
28Shinallatac Hebrón, Rehob, Hamón, Caná pueblocunata rishpa, jatun pueblo Sidoncamanmi carca.
29Chaimantaca Ramá pueblo ladoman cutishpa, muyundi pircashca Tiro pueblocamanmi carca. Chai pueblomantaca Hosa pueblota muyushpa, mama cuchacamanmi carca. Shinallatac Mahaleb, Aczib,
30Uma, Afec, Rehob pueblocunatapish japircami. Tucuica ishcai chunga ishcai pueblocunatami, muyundi uchilla llactacunandi japirca.
31Chai pueblocunataca Aser aillumi paicuna mashna cashca shinallatac japirca. Chai pueblocunataca muyundi uchilla llactacunandimi japirca.
Neftalipac aillucunapac allpamanta32Allpata cungapac suctaniqui suerteta ruhuacpica, Neftalí aillumi paicuna mashna cashca shinallatac allpata japirca.
33Paicunapac llactaca: Helef, Alon-saananim, Adami-neceb shinallatac Jabneel pueblomantaca Lacum pueblota pasashpa, Jordán yacucamanmi llucshirca.
34Chaimantaca inti tigrana ladoman cutishpa, Aznot-tabor pueblomanmi muyucurca. Chaimantaca Hucoc pueblota rishpa, ura ladomanca Zabulonpac llactahuan, cutin inti tigrana ladomanca Aserpac llactahuanmi tupanacurca. Inti llucshina ladomanca Jordán yacuhuanmi tupanacurca.
35Muyundita pircashca pueblocunaca: Sidim, Zer, Hamat, Racat, Cineret,
36Adama, Ramá, Hazor,
37Cedes, Edrei, En-hazor,
38Irón, Migdal-el, Horem, Bet-anat, Bet-semesmi carca. Tucuica chunga iscun pueblocunami, muyundi uchilla llactacunandi paicunapac carca.
39Chai pueblocunataca Neftalipac aillucunami paicuna mashna cashca shinallatac japirca. Chai pueblocunataca muyundi uchilla llactacunandimi japirca.
Danpac aillucunapac allpamanta40Allpata cungapac canchisniqui suerteta ruhuacpica, Dan aillumi paicuna mashna cashca shinallatac allpata japirca.
41Paicunapac pueblocunaca Zora, Estaol, Ir-semes,
42Saalabín, Ajalón, Jetlat,
43Elón, Timnat, Ecrón,
44Elteque, Gibetón, Baalat,
45Jehúd, Benei-berac, Gat-rimón,
46Mejarcón, Racón pueblocunami carca. Shinallatac Jope pueblo chimba lado llactacunandimi carca.
47Danpac aillumanca allpaca mana pactarcachu. Chaimantami paicunaca Lesem puebloman huichai rishpa, chaipi causaccunahuan macanacurca. Chashnami paicunaca espadahuan huañuchishpa, chai llactata japishpa, chaipi causarca. Paicunapac ñaupa taita Dan cashcamantami chai Lesem pueblotaca Danta shutichirca.
48Chai pueblocunataca Danpac churicunami paicuna mashna cashca shinallatac japirca. Chai pueblocunataca muyundi uchilla llactacunandimi japirca.
Josueman allpata cushcamanta49Israelcuna cai allpata chaupishpa cushca quipaca Nunpac churi Josuemanmi paipac chaupillapitac allpata curca.
50Josuemanca Mandac Dios mandashca shinami pai mañashca Efraín urcu llactapi Timnat-sera pueblota curca. Chai pueblota cucpimi, cutin allichishpa, chaipi causarca.
51Eleazar curapish, Nunpac churi Josuepish, huasi ucupurata pushaccunapish Mandac Diospac ñaupapi suerteta ruhuashpa, israelcunaman chaupishpa cushca allpaca chaicunami carca. Chaitaca Silo pueblopi Dios-huan tupana huasi pungupimi curca. Chashnami chai allpataca chaupishpa tucuchirca.
Who We AreWhat We EelieveWhat We Do
2025 by iamachristian.org,Inc All rights reserved.
