1Tiro pueblota jatun mandac Hirammi David paipac huasita shayachichun huillaccunata, huasita ruhuaccunata, carpinterocunata, cedro caspicunata cushpa cacharca.
2Chaimantami Davidca Mandac Dios pai acllashca israelcunata cuyashpa, israelcunata jatun mandac cachun churashcatapish, chai mandanata jatunyachishcatapish yachac chayarca.
David Jerusalenpi ashtahuan churicunata charishcamanta(2 Sam 5.13-16; 1 Cr 3.5-9)3Davidca Jerusalén pueblopi ashtahuan huarmicunata charishpami ashtahuan churicunatapish, ushicunatapish charirca.
4Jerusalén pueblopi huacharishca huahuacunaca: Samúa, Sobab, Natán, Salomón,
5Ibhar, Elisúa, Elpelet,
6Noga, Nefeg, Jafía,
7Elisama, Beeliada, shinallatac Elifeletmi carca.
Filisteocunahuan David macanacushcamanta(2 Sam 5.17-25)8Israelcuna Davidta aceitehuan cahuishpa jatun mandac cachun churashcata Filisteocuna yachac chayashpami, Davidhuan macanacungapac rircacuna. Chaita yachashpami, Davidca paicunahuan macanacungapac llucshirca.
9Filisteocuna chashna rishpaca Refaí pambapimi tiyarirca.
10Shina cacpimi Davidca Mandac Diostaca:
—¿Filisteocunahuan macanacungapac rishachu? ¿Paicunataca ñuca maquipi churanguichu?— nishpa tapurca.
Shina tapucpi, Mandac Diosca:
—Paicunataca cambac maquipimi churasha. Macanacugrilla— nirca.
11Chashna nicpimi, David rishpaca, Baal-perazim pambapi macanacushpa, filisteocunata atirca. Shina atishpami Davidca: «¡Mandac Diosca jatun yacu apac shinami, ñucata piñaccunataca ñuca maquihuan tucui chingachishca!» nirca.
Chaimantami chai pambataca Baal-perazimta shutichirca.
12Chashna aticpimi, filisteocunaca paicunapac dioscunata shitashpa rircacuna. Davidca chai dioscunata rupachichunmi mandarca.
13Cutinllatacmi filisteocunaca chai pambaman shamushpa, chaipi tiyarirca.
14David, Mandac Dios cutinllatac tapucpimi, Mandac Diosca: «Ama macanacungapac richu, chaipac randica bálsamo yuracuna tiyac pushtupi muyushpa japigri.
15Bálsamo yuracuna jahuata puric shina uyaricpica, filisteocunahuan macanacungapac llucshingui. Chaipica Mandac Dios ñucami filisteocunata huañuchingapac ñaupashpa risha» nirca.
16Davidca Mandac Dios nishca shina ruhuashpami, filisteocunataca Gabaón pueblomanta Gezer pueblocaman macashpa huañuchirca.
17David chashna ruhuashcaca tucui llactacunapimi yacharirca. Mandac Diosmi tucui llactacunapi Davidta manchachun chashna ruhuarca.
Who We AreWhat We EelieveWhat We Do
2025 by iamachristian.org,Inc All rights reserved.
