1Mandac Diosta
manchaccunaca cushicunmi.
Pai mandashcacunapimi
yallita cushicun.
2Paipac huahua huahuacunaca
cai pachapica
mai jatun nishcami canga.
Allita ruhuacpac
huahua huahuacunaca
bendiciashcami canga.
3Chai runapac huasipica
charinacunapish,
ima allicunapish tiyanmi.
Pai cashcata ruhuashcapish
huiñaipacmi canga.
4Paica llaquicmi, caracmi,
cashcata ruhuacmi.
Cashcata ruhuaccunapacca
amsapi luz achicyachicuc shinami.
5Alli shungu runaca imatapish
cushilla mañachinmi.
Paita serviccunatapish
cashcata ruhuashpami mandan.
6Chaimantami paica
manatac urmanga.
Cashcata ruhuac runataca
huiñaitami yuyaringacuna.
7Ima llaquicuna japigrinmi
nicpipish, paica mana manchanchu.
Mandac Diospi paipac shunguta
churashpa imatapish
mana manchashpa causanllami.
8Paipac shungupica imatapish
mana manchanchu.
Paita piñaccuna
llaqui tucushcatapish ricungami.
9Pai charishcacunataca
huacchacunamanmi chaupishpa cun.
Cashcata ruhuanataca
manatac saquinchu.
Paica tucuipac ricsishca
jatun nishcami canga.
10Diosta mana manchac runa
chaita ricushpaca
yallitami piñaringa.
Paipac shungupi nanarishpami
quirucuna caniringa.
Diosta mana manchaccunapac
yuyaica chingaringami.
Who We AreWhat We EelieveWhat We Do
2025 by iamachristian.org,Inc All rights reserved.
