1Diosllami ñuca almataca samachin.
Paillami ñucataca quishpichin.
2Paica ñuca quishpichicmi,
ñuca jarcarina jatun rumimi.
Chaimantami pipish mana urmachinga.
3¿Ima horascamantac sapalla runataca
tuñic shina, mana cashpaca
pircata urmachic shina,
tucuchingapac tandanacushpa
yuyaricunguichic?
4Jatun tiyarinamanta
anchuchinallatami
yuyaricunguichic.
Llullashpallami cushicunguichic.
Shimihuan allimi cangui
nicushpapish, shungupica
llaqui tucuchunmi
munacunguichic.
5Ñuca almaca Diosllahuanmi samarin.
Paillatami shuyacuni.
6Paillami ñuca quishpichicpish,
ñuca jarcarina jatun rumipish can.
Paimi ñuca miticuna can,
pi mana urmachingachu.
7Diosca ñuca quishpichic,
sumaimana achiclla Diosmi.
Diosca ñuca miticuna
sinchi rumimi.
8Pai acllashcacunalla,
tucui punzhacuna paillata
shuyaichic.
Diosmi ñucanchic miticunami.
Chaimanta tucui shunguhuan
paipac ñaupapi mañaichic.
9Alli yuyaricpica,
yangalla runapish,
alli nishca runapish
yangallami.
Paicunata balanzapi pezacpica
huaira shinallami.
10Ama imata quichuna,
shuhuana yuyailla caichicchu.
Imata yallita charishpapish
ama chai charishcapi
shunguta churaichicchu.
11Mandac Dios rimashcataca
ishcai cutinmi uyarcani.
Paica: «Ñucami tucuita ruhuacpish,
12llaquicpish, canta
Mandac Diospish cani.
Ñucami tucuiman imata
ruhuashca shinallatac
japina cashcata cusha» nirca.
Who We AreWhat We EelieveWhat We Do
2025 by iamachristian.org,Inc All rights reserved.
