1Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.
2Dios quillcachishcapica:
«Cancunata ayudana punzhapimi uyarcani.
Quishpichina punzhapimi quishpichircani» ninmi.
¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!
Pablo huillashpa, llaquita apashcamanta3Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.
4Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.
5Chashnami macashca, carcelpi churashca, tandanacushpa camishca, sinchi ruhuaihuan, mana sueñushca, shinallatac yarcaihuanpish carcanchic.
6Shinallatac alli causac, imapish cashcata alli yachac, mana piñaric, llaquiccunami canchic. Diospac Espíritu ñucanchic shungupi cashcamantaca, chuya shunguhuan cuyaccuna cashcatami ricuchinchic.
7Chashnatac cashcata huillashpa, Diospac poderhuan imatapish ruhuashpa, macanacungapacpish, misaringapacpish cashcata ruhuashpami causanchic.
8Maijan cutinca alli nishca, maijan cutinca mana alli nishca. Maijan cutinca allicuna, maijan cutinca mana allicunachu nishcami canchic. Llullaccunami nicpipish cashcata huillaccunami canchic.
9Mana ricsishcacunachu nicucpipish alli ricsishcacunami canchic. Ña huañucushpapish causacunchicracmi. Macashpapish, mana huañuchincunachu.
10Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.
11¡Corintopi causac criccunalla! Imatapish mana pacashpami, cancunamanca parlanchic. Ñucanchic shungupi imata yuyashcatapish, tucuitami ricuchinchic.
12Cancunataca achcatami ñucanchicca cuyanchic, ashtahuanpish cancunami mana cuyanguichic.
13Chashna cashcamantami shuc taita huahuacunata rimac shina, cancunapish imata mana pacashpa huillachun munanchic.
Dios causana huasi cashcamanta14Mana criccunahuanca yugoshca shinaca, ama tandanacuichicchu. Cashcata ruhuacca mana allita ruhuac-huanca, ¡maitatac apanacungayari! Luzpish amsahuanca, ¡maitatac tandanacungayari!
15Cristohuan Satanas-huanca, ¡maitatac cuyanacungayari! Cric-huan shuc mana cric-huanca, ¡maitatac shuc yuyailla tucungayari!
16Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi:
«Ñucaca paicunahuanmi causasha,
paicunahuanmi purisha.
Ñucaca paicunapac Diosmi casha.
Paicunaca
ñuca acllashcacunami canga» nishca.
17Chaimantami tucuita Mandac Diosca:
«Paicunapuramanta llucshichic.
Paicunamanta chicanyarichic.
Imapish mapayachic-huanca
ama chapurichicchu,
chaipica ñucaca chasquishami.
18Ñucaca cancunapac Taitami casha,
Cancunaca ñuca churicuna,
ñuca ushicunami canguichic» ninmi.
Who We AreWhat We EelieveWhat We Do
2025 by iamachristian.org,Inc All rights reserved.
