1Muscuipi ricushcalaya pugru pamba llaqui tucunamanta huillashpaca:
¿Imapactac cunanca llactapurallatac
huasi jahuaman llucshinguichic?
2¡Sinchita caparishpa,
ima shinapish cushicuc gentecunalla!
Caipi causaccunaca espadapi,
mana jatun macanacuipichu huañurca.
3Tucui cancunata mandaccunaca
miticushpami callparca.
Paicunataca mana flechahuanchu
japirca.
Paicuna caimanta llucshishpa,
caruta rishca cacpipish,
tucuitami prezurca.
4Chaimantami ñucaca:
«Yallita caparishpa
huacangapac ñucamanta caruyai.
Ñuca llactapi causaccunapac
llaquimanta huacacpi,
ama cushichinguichicchu» nircani.
5Chaica, tucuita Mandac Diosmi
llacta muyundi jatun pircata
urmachingapac muscuipi ricushcalaya
pugru pambaman yallita caparishpa,
mancharishpa musparina punzhata
cachashca.
Urcuman uyarictami yallita caparin.
6Elam llactamantaca flechacunata
huacaichinata apashpami,
caballocunapi,
carretacunapi huichai rirca.
Kir llactamanta soldadocunaca
escudocunatami llucchirca.
7Cancunapac sumac pugru
pambacunapica
carretacunami jundarca.
Llacta pungupica caballocunapi
ric soldadocunami
carpacunata shayachishpa tiyarirca.
8Judá llactapi causaccunapac
jarcarinaca illanmi.
Chai punzhacunami
urcu caspicunahuan
shayachishca huasipi macanacunata
huacaichishca tiyacucta
ricurcanguichic.
9Davidpac llacta pircacunatapish
caipi chaipi chictarishcatami
ricurcanguichic.
Urapi tiyac tanquepimi
yacutapish tandarcanguichic.
10Muyundi jatun pircataca
ashtahuan sinchita shayachingapacmi
Jerusalén huasicunatapish
yupashpa urmachircanguichic.
11Mauca tanquemanta
yacuta japingapacmi
ishcai jatun pirca chaupipi
tanqueta allichircanguichic.
Ashtahuanpish chai tanqueta
ruhuac Diostaca
mana cazurcanguichicchu.
Chaita utcallapitac ruhuashcata
mana yuyarircanguichicchu.
12Tucuita Mandac Diosca
chai punzhapica yallita
llaquirichun,
yuyarishpa huacachun,
acchata pitirichun,
sharpa churanata
churarichun cayarca.
13Huagracunata, ovejacunata
huañuchishpa, micushpa,
vinota ubiashpa yallita
cushicushpami:
«¡Micushunchic, ubiashunchic,
cayaca huañushunmi!» ninguichic.
14Tucuita Mandac Dios
ñuca ringripi rimashpaca:
«Cai juchata ruhuashcataca
cancuna huañungacaman
manatac perdonashachu» nirca.
Chaitaca tucuita Mandac Diosmi
nirca.
Sebna, Eliaquim runacunallaqui tucunamanta15Tucuita Mandac Diosca:
«Jatun mandacpac huasita ricuc
Sebna mayordomopacman rishpa:
16“¿Canca caipica imatatac charingui?
Mana cashpaca,
¿pitac enterrangapacta lomacunapi,
quingraicunapi jutcuta
ruhuaccuna shina, enterrana jutcuta
caipi ruhuachircangui?
17Sinchi runalla,
Mandac Diosmi caruman
shitac shina, caru llactaman
prezu apachun saquigrin.
18Pelotata shitac shinami
caruta cachanga.
Can chaipi huañucpimi,
can sumacta purina
carretacunapish tucuringa.
Cambac amopac huasitapish
pingaichinguimi.
19Mandac Dios ñucami
can mandashpa tiyarinata
anchuchishpa, can imata
ruhuanamanta llucchisha.
20Chai punzhami Hilquiaspac churi
ñucata servic Eliaquimta cayasha.
21Cambac churanata
paiman churachishpami,
cambac chumbihuan chumbillichishpa,
can mandanataca paiman cusha.
Paimi Jerusalenpi causaccunapacpish,
Judá aillupacpish taita shina canga.
22Davidpac huasi llavetapish
paimanmi cusha.
Pai pascashcataca pi mana
huichcangachu.
Pai huichcashcataca
pi mana pascangachu.
23Paitaca sinchi pushtupi clavashca
clavota shinami sinchita churasha.
Chaipimi paipac taitapac
familiacunapac alli nishca canga.
24Paimantami taitapac
huasi ucupurapish,
paicunapac churicunapish,
nietocunapish causanga.
Tucui ima charishcacunapish,
uchilla jarrocunamanta,
vasocunamanta callarishpa,
jatun tenajacunacamanmi
paipi huarcushca shina canga.
25Chai punzhapimi sinchi pushtupi
clavashca clavoca urmanga.
Paipi huarcushcacunapish
urmashpa tucuimi ñuturinga.
Chaitaca Mandac Dios ñucami nini”
ninmi ningui» nirca.
Who We AreWhat We EelieveWhat We Do
2025 by iamachristian.org,Inc All rights reserved.
