ISAÍAS 3 - Biblia Quichua Cañar 2010

Judá llactatapish, Jerusalén llactatapishllaquichinamanta

1Mandac Diosca Jerusalenmanta,

Judá llactamantaca micunatapish,

yacutapish anchuchingami.

2Sinchita macanacuc runatapish,

jueztapish, Dios ima nishcata

huillactapish, adivinotapish,

pushac yuyactapish,

3pichca chunga soldadocunata

mandactapish,

cunac runatapish, artesanotapish,

sumac shimicunata

rimac runatapishmi anchuchinga.

4Chai quipaca huambrarac

mandaccunatami mandachun churanga.

Huambracunami paicunataca mandanga.

5Gentecunaca cuchullapi

causaccunapurallatacmi

caishuc chaishuc macanacunga.

Huambracuna jatarishpami

yuyaccunataca llaquichinga.

Yanga runacunami jatarishpa

alli nishca runacunata

llaquichinga.

6Chashna llaqui tiyacpimi,

paipac taitapac familiapura runata

maijanpish maquipi japishpaca:

«Canca churanata charinguimi.

Chaimanta ñucanchic mandac tucushpa,

cai jatun llaquicunata allichiyari»

ningacunami.

7Chashna nicpimi, chai punzhapica

chai runaca: «Ñuca huasipica

ima churanatapish,

ima micunatapish mana charinichu.

Ama gentecunata mandac cachun

churaichicchu.

Chaicunata mana allichi

pudinichu» ningami.

8Jerusalenca tucuimi tucurishca.

Judá llactapish urmashcami.

Paicunaca mana allita rimashpa,

mana allita ruhuashpami

poderyuc Mandac Diosta piñachirca.

9Paicunapac ñahuillatacmi

paicunapac juchataca ricuchicun.

Sodoma pueblopi causaccuna shinami,

tucuipac ricuipi

juchata ruhuancuna.

Imatapish mana pinganchu.

¡Aij, paicunapac almalla,

imachari tucunga!

Paicunallatacmi jatun llaquitaca

yallita mirachishca.

10Cashcata ruhuaccunataca

“allitami causangui” nichic.

Paipac maquihuan imatapish

ruhuashpami micunata japinga.

11¡Aij, Diosta mana manchac runalla!

Yalli llaquimi tucunga.

Paicunapac maquihuan

mana allita ruhuashca shinallatacmi

mana allita japinga.

12Ñuca acllashca llactalla,

paitaca huambracunami llaquichicun.

Paicunami mandacun.

Ñuca acllashca llactalla,

cantaca mandaccunami

pandata yachachishpa,

mana alli pushacun.

13Mandac Diosca tucui gentecunata

taripangapacmi shayacun.

Ñallami llaquichigrin.

14Mandac Diosca pushac

yuyaccunatapish,

pai acllashca llactata

mandaccunatapish

llaquichingapacmi shamunga.

Paicunataca: “Cancunami

uvas chagracunata

quichushpa micurcanguichic.

Huacchacunamanta imata

quichushpaca huasipimi

charicunguichic.

15Ñuca acllashca llactataca,

¿imamantatac llaquichinguichic?

¿Imamantatac huacchacunataca

ñahuipi sarunguichic?” nishpami,

Mandac Diosca riman.

Sión llactapi causachuarmicunata llaquichinamanta

16Shinallatac Mandac Diosca:

«Sionpi causac huarmicunaca

jatun tucushpa, caricunahuan

ñahuita quimllanacushpa purincuna.

Purishpapish chaquita tacashpa,

chaqui huallcacunata

cuyuchishpami purincuna.

17Chaimantami Mandac Diosca

Sionpi causac huarmicunataca

sisu ungüihuan lluchu

umata ruhuashpa,

accha illacta saquisha» ninmi.

18Chai punzhapimi Mandac Diosca

paicuna sumacta ricuringapac

chaquipi churashcacunatapish,

acchata pillushca redicillacunatapish,

lunetacunatapish anchuchinga.

19Zarcillocunatapish,

brazaletecunatapish,

uma tapanacunatapish,

20uma huatashca pañocunatapish,

chaquipi churarishca

sumaccunatapish, cintacunatapish,

mishquilla ashnacuc

botellacunatapish,

chiquita jarcaccunatapish,

21sortijascunatapish,

singapi churarinacunatapish,

22sumac churanacunatapish,

jahualla churanacunatapish,

ñahuita taparina pañocunatapish,

aisana mochilacunatapish,

23espejocunatapish,

sumac lino churanacunatapish,

ñutunlla churarinacunatapish,

umata huatana pañocunatapishmi

anchuchinga.

24Mishquilla ashnanapac randica,

millanayaitami ashnacunga.

Chumbipac randica, huascahuanmi

huatallishca canga.

Acchata sumacta

allichinapac randica,

accha illacmi canga.

Sumacta churanapac randica,

sharpa churanahuanmi canga.

Sumac ñahui canapac randica,

rupashca pingaipac ñahuimi canga.

25Caricunaca jatun

macanacuipimi tucuringa.

Sinchi runacunapish

macanacuipimi huañunga.

26Llacta pungucunapipish

duelo churanahuanmi

llaquilla tiyacunga.

Shitashca saquirishcamantami

yallita llaquirishpa,

allpallapi tiyacunga.