1Amozpac churi Isaiasca muscuipi shinami Judá llacta, Jerusalén llacta ima tucunata ricurca.
2Tucuri punzhacunapica
Mandac Diospac huasipi
tiyac urcuca caishuc
urcucunapac uma shina
cangapacmi sinchiyachishca canga.
Tucui urcucunata yalli jatunmi canga.
Chai urcumanmi tucui
llactacuna shamunga.
3Achca gentecuna shamushpaca:
«Mandac Dios munashca shina
causanata yachachicpi,
allita yachacushpa,
paipac alli ñanta catingapac
paipac urcuman rishunchic.
Jacobopac Diospac huasiman
jacuchic» ningami.
Chaica Sión llactamantami
mandashcacunaca llucshinga.
Jerusalenmantami Mandac Dios
rimashcaca llucshinga.
4Mandac Diosmi llactacunapi
causaccunataca taripanga.
Achca gentecunatami
jarcashpa rimanga.
Chashna ruhuacpimi,
paicunapac espadacunataca
yapuna rejacunata,
lanzacunataca hocescunata
ruhuanga.
Llactacunapish mana ashtahuan
macanacungapac llucshingachu.
Macanacunatapish ña mana
ashtahuan yachachingachu.
5¡Jacobopac huasi ucupuracuna
shamuichic!
¡Mandac Diospac luzpi purishunchic!
Mandac Dios paita cariyaccunatallaquichinamanta6Mandac Dios, can acllashca
Jacobopac huasi ucupuracunataca
saquishcanguitacmi.
Paicunaca inti llucshina
ladopi causaccuna
ima shina ruhuashcatami catincuna.
Filisteo brujocuna ruhuashca
shinallatacmi ruhuacun.
Shuctac llacta runacunahuanmi
imata ruhuashpa pactachingapac
ari ninacun.
7Paicunapac llactaca cullqui,
curi jundami.
Paicuna ima sumac charinacunapish
mana yupaipacmi.
Paicunapac llactapica
caballocunapish, carretacunapish
mana yupaipac achcami.
8Shinallatac paicunapac llactapica
yanga dioscunapish jundami.
Paicunapac maquihuan ruhuashca
dioscunatami adorancuna.
9Paicunaca chaicunata adorashpami,
yangalla tucurcacuna.
Chai juchataca ama perdonanguichu.
10¡Manchana Mandac Diosmanta,
jatun poderhuan achicyachicmanta
ñuto allpapi, jatun rumipi
miticuichicyari!
11Jatun tucushpa puriccunapac
ñahuitaca cumurichingami.
Cari tucushcacunatapish
pingaichishpami cumurichinga.
Chai punzhapica Mandac Diosllami
jatunyachishca canga.
12Mandac Dios, jatun tucushpa
puriccunata, cari tucushcacunata,
jatun tucushcacunata llaquichina
punzhami chayamugrin.
Chaipimi paicunaca cumuringa.
13Líbano urcu cedro yuracunata,
Basán llacta encina yuracunata,
14tucui jatun urcucunata,
jatun lomacunata,
15tucui jatun torrecunata,
pi mana urmachi pudipac pircata,
16Tarsis llactamanta
jatun barcocunata,
sumacta pintashca barcocunatapish
llaquichina punzhami chayamugrin.
17Cariyashpa puriccunapac
ñahuitaca cumurichingami.
Jatun tucushcacunatapish
pingaichingami.
Chai punzhapica Mandac Diosllami
jatunyachishca canga.
18Ruhuashcalla dioscunatapish
tucuimi anchuchishca canga.
19Yallita manchana Mandac Dios
jatun poderhuan achicyachicpica,
quingrai jutcucunapi,
allpa jutcucunapi satiringacunami.
Cai pachapi causaccunata
llaquichishpa chucchuchicpimi
chashnaca tucunga.
20Chai punzhapimi runacunaca
paicunallatac adorangapac
cullquimanta, curimanta ruhuashca
dioscunataca ucuchacuna,
mashucuna causachun shitanga.
21Chashna shitashpami
manchana Mandac Dios achicyachicpi,
rumi quingraicunapi,
jatun rumi ucucunapi satiringa.
Cai pachapi causaccunata
Dios llaquichishpa chucchuchicpimi,
chashnaca tucunga.
22¡Ama runacunapi shunguta
churashpa causaichicchu!
Paipac causaica huaira shinallami.
¿Runa ima cacpitac, shunguta
churanguichic?
Who We AreWhat We EelieveWhat We Do
2025 by iamachristian.org,Inc All rights reserved.
