1 CRÓNICAS 8 - Biblia Quichua Cañar 2010

Benjaminpac huahua huahuacunamanta

1Benjaminpac punta churica Bela shutimi carca. Paipac quipaca Asbelmi carca. Chai quipaca Aharami carca.

2Chuscuniquica Nohami carca. Pichcaniquica Rafami carca.

3Belapac churicunaca: Adar, Gera, Abiud,

4Abisúa, Naamán, Ahoa,

5Gera, Sefufán, shinallatac Hirammi carca.

6Ahodpac churicunaca Geba pueblopi causac paicunapac taitacunapac huasi ucupuracunata mandacmi carca. Paicunatami Manahat puebloman prezu aparca.

7Paicunaca: Naamán, Ahías, shinallatac Gerami carca. Gerami Manahat puebloman prezu aparca. Paipac churicunaca: Uza, shinallatac Ahiudmi carca.

8Saharaimca paipac huarmicuna Husim, Baaramanta raquirishca quipami Moab llactapi churicunata charirca.

9Paipac huarmi Hodespica: Jobab, Sibia, Mesa, Malcam,

10Jeúz, Saquías, shinallatac Mirmami carca. Chai churicunami huasi ucu familiacunata mandaccuna carca.

11Saharaimca Husim huarmipica Abitob, shinallatac Elpaal churicunatami charirca.

12Elpaalpac churicunaca: Heber, Misam, shinallatac Semedmi carca. (Semedmi Ono, Lod pueblocunata muyundi uchilla llactacunandi shayachirca.)

13Bería, Sema runacunami Ajalón pueblopi causac familiacunata mandaccuna carca. Paicunami Gat pueblopi causaccunata llucchishpa cacharca.

14Beriapac churicunaca: Ahío, Sasac, Jeremot,

15Zebadías, Arad, Ader,

16Micael, Ispa, shinallatac Johami carca.

17Elpaalpac churicunaca: Zebadías, Mesulam, Hizqui, Heber,

18Ismerai, Jezlías, shinallatac Jobabmi carca.

19Simeipac churicunaca: Jaquim, Zicri, Zabdi,

20Elienai, Ziletai, Eliel,

21Adaías, Beraías, shinallatac Simratmi carca.

22Sasacpac churicunaca: Ispán, Heber, Eliel,

23Abdón, Zicri, Hanán,

24Hananías, Elam, Anatotías,

25Ifdaías, shinallatac Penielmi carca.

26Jerohampac churicunaca: Samserai, Seharías, Atalías,

27Jaresías, Elías, shinallatac Zicrimi carca.

28Paicunapac huahua huahuacunapica paicunami huasi ucu familiataca mandaccuna carca. Paicunaca Jerusalenpimi causarca.

29Gabaón pueblopica Abigabaonmi causarca. Paipac huarmica Maacami carca.

30Paipac punta churica Abdonmi carca. Quipa churicunaca: Zur, Cis, Baal, Nadab,

31Gedor, Ahío, shinallatac Zequermi carca.

32Miclotpac churica Simeami carca. Paicunapish Jerusalenllapitacmi huauquicunapac chimba ladopi causarca.

33Nerca Cis churita, Cisca Saúl churita, Saulca Jonatán churita, Jonatanca Malquisúa churita, Malquisuaca Abinadab churita, Abinadadca Es-baal churitami charirca.

34Jonatanpac churica Merib-baalmi carca. Merib-baalca Micaía churitami charirca.

35Micaiapac churicunaca: Pitón, Melec, Tarea, shinallatac Acazmi carca.

36Acazca Joada churitami charirca. Joadaca: Alemet, Azmavet, shinallatac Zimri churitami charirca. Zimrica Mosa churitami charirca.

37Mosaca Bina churitami charirca. Binaca Rafa churitami charirca. Rafaca Elasa churitami charirca. Elasaca Azel churitami charirca.

38Azelpac sucta churicunaca: Azricam, Bocru, Ismael, Searías, Obadías, shinallatac Hananmi carca. Tucui paicunami Azelpac churicuna carca.

39Azelpac huauqui Esecpac punta churica Ulammi carca. Paipac quipaca Jehusmi carca. Chai quipaca Elifeletmi carca.

40Ulampac churicunaca flechacunata shitanatapish alli yachac sinchi runacunami carca. Paicunaca churicunatapish, nietocunatapish achcatami charirca. Tucui paicunami Benjaminpac huahua huahuacunapuramanta carca. Paicunaca patsac pichca chungami carca.