NEHEMÍAS 7 - Biblia Quichua Cañar 2010

Nehemías mandaccunata churashcamanta

1Jerusalén muyundi pircacunata allichishpa, pungucunata churashca quipaca Diospac huasi pungupimi cuidaccunatapish, cantaccunatapish, levitacunatapish churarcani.

2Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

3Chashna churashpami paicunataca:

—Jerusalén jatun pungucunataca inti cunuchingacaman ama pascanguichicchu. Pungucunapi cuidaccuna ña chaipi cacpimi, huichcana shinallatac alli jarcana canguichic.

Shinallatac Jerusalenpi causaccunapuramantapish chullayanacushpa maipi cana cashcapi cachun, shuccunaca quiquinpac huasi ñaupallapitac cuidachun acllana canguichic— nircani.

4Jerusalenca jatun pueblomi carca. Shina cacpipish, huasicuna manarac tucui allichishca cacpimi ashalla gentecuna tiyarca.

Babiloniamanta Zorobabelhuan cutimuccunamanta(Esd 2.1-70)

5Dios yuyaita cucpimi, alli nishcacunatapish, mandaccunatapish shuctac gentecunatapish paicunapac ñaupa taitacunapac shuticunata ima shina, quillcashca shinallatac quillcachichun tandachircani. Chashnami puntapi cutimushca taitacunapac shuticunata quillcashcata tarircani. Chai quillcashcapica:

6«Caicunaca Babilonia llactata mandac Nabucodonosor Babiloniaman prezu apashca gentecunami can. Paicunami Jerusalenman, Judá llactaman paicunapac quiquin pueblocunallamantac cutimurcacuna.

7Zorobabelhuan shamuccunaca Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, shinallatac Baanami carca.

8Parospac huahua huahuacunaca ishcai huaranga patsac canchis chunga ishcaimi carca.

9Sefatiaspac huahua huahuacunaca quimsa patsac canchis chunga ishcaimi carca.

10Arapac huahua huahuacunaca sucta patsac pichca chunga ishcaimi carca.

11Pahat-moabpac huahua huahuacunaca ishcai huaranga pusac patsac chunga pusacmi carca. Paicunaca Jesuapac, Joabpac huahua huahuacunami carca.

12Elampac huahua huahuacunaca huaranga ishcai patsac pichca chunga chuscumi carca.

13Zatupac huahua huahuacunaca pusac patsac chuscu chunga pichcami carca.

14Zacaipac huahua huahuacunaca canchis patsac sucta chungami carca.

15Benuipac huahua huahuacunaca sucta patsac chuscu chunga pusacmi carca.

16Bebaipac huahua huahuacunaca sucta patsac ishcai chunga pusacmi carca.

17Azgadpac huahua huahuacunaca ishcai huaranga sucta patsac ishcai chunga ishcaimi carca.

18Adonicampac huahua huahuacunaca sucta patsac sucta chunga canchismi carca.

19Bigvaipac huahua huahuacunaca ishcai huaranga sucta chunga canchismi carca.

20Adinpac huahua huahuacunaca sucta patsac pichca chunga pichcami carca.

21Aterpac huahua huahuapuramanta Ezequiaspac huahua huahuacunaca iscun chunga pusacmi carca.

22Hasumpac huahua huahuacunaca quimsa patsac ishcai chunga pusacmi carca.

23Bezaipac huahua huahuacunaca quimsa patsac ishcai chunga chuscumi carca.

24Harifpac huahua huahuacunaca patsac chunga ishcaimi carca.

25Gabaonpac huahua huahuacunaca iscun chunga pichcami carca.

26Belén, Netofa pueblocunamantaca patsac pusac chunga pusacmi carca.

27Anatot pueblomantaca patsac ishcai chunga pusacmi carca.

28Bet-azmávet pueblomantaca chuscu chunga ishcaimi carca.

29Quiriat-jearim, Cafira, Beerot pueblocunamantaca canchis patsac chuscu chunga quimsami carca.

30Ramá, Geba pueblocunamantaca sucta patsac ishcai chunga shucmi carca.

31Micmas pueblomantaca patsac ishcai chunga ishcaimi carca.

32Bet-el, Hai pueblocunamantaca patsac ishcai chunga quimsami carca.

33Caishuc Nebo pueblomantaca pichca chunga ishcaimi carca.

34Caishuc Elam pueblomantaca huaranga ishcai patsac pichca chunga chuscumi carca.

35Harim pueblomantaca quimsa patsac ishcai chungami carca.

36Jericó pueblomantaca quimsa patsac chuscu chunga pichcami carca.

37Lod, Hadid, Ono pueblocunamantaca canchis patsac ishcai chunga shucmi carca.

38Senaa pueblomantaca quimsa huaranga iscun patsac quimsa chungami carca.

39Jesuapac huasi ucupuramanta Jedaiaspac huahua huahua curacunaca iscun patsac canchis chunga quimsami carca.

40Imerpac huahua huahuacunaca huaranga pichca chunga ishcaimi carca.

41Pasurpac huahua huahuacunaca huaranga ishcai patsac chuscu chunga canchismi carca.

42Harimpac huahua huahuacunaca huaranga chunga canchismi carca.

43Levitacunaca: Hodaviaspac churicuna Jesuapac, Cadmielpac huahua huahuacunaca canchis chunga chuscumi carca.

44Cantaccunaca: Asafpac huahua huahuacunaca patsac chuscu chunga pusacmi carca.

45Pungupi cuidaccunaca: Salumpac, Aterpac, Talmonpac, Acubpac, Hatitapac, Sobaipac huahua huahuacunaca patsac quimsa chunga pusacmi carca.

46Diospac huasipi serviccunaca: Zihapac, Hasufapac, Tabaotpac,

47Querospac, Siahapac, Padonpac,

48Lebanapac, Hagabapac, Salmaipac,

49Hananpac, Gidelpac, Gaharpac,

50Reaiapac, Rezinpac, Necodapac,

51Gazampac, Uzapac, Paseahpac,

52Besaipac, Mehunimpac, Nefisesimpac,

53Bacbucpac, Hacufapac, Harhurpac,

54Bazlutpac, Mehidapac, Harsapac,

55Barcospac, Sisarapac, Temapac,

56Neziapac, Hatifapac huahua huahuacunami carca.

57Salomonta serviccunapac huahua huahuacunaca: Sotaipac, Soferetpac, Peridapac,

58Jaalapac, Darconpac, Gidelpac,

59Sefatiaspac, Hatilpac, Poqueret-hazebaimpac, Amonpac huahua huahuacunami carca.

60Diospac huasipi serviccuna, Salomonta serviccunapac huahua huahuacunaca quimsa patsac iscun chunga ishcaimi carca.

61Tel-mela, Tel-harsa, Querub, Adón, Imer pueblocunamanta cutimuccunaca paicunapac taitacunapac huasi ucupura mashna cashcatapish, israelpuramanta huahua huahuacuna cashcatapish, ima shina mana ricuchi pudircacunachu. Chaicunaca:

62Delaiaspac, Tobiaspac, Necodapac huahua huahuacunaca sucta patsac chuscu chunga ishcaimi carca.

63Curacunapuramantaca: Habaiaspac, Cospac, Barziliapac huahua huahuacunami carca. Barzilaica Galaad llactamanta caishuc Barziliapac shuc ushihuanmi cazararca. Chaimantami galaditacuna niccuna carca.

64Paicunapac shuticuna paicunapac ñaupa taitacunapac shuticunata quillcashcapi mashcacpica, mana ricurircachu. Chaimantami curacunapurapi canamantaca anchuchirca.

65Chaimantami Judá llactata mandacca Urimhuan, Tumimhuan shuc cura Diosman tapushpa, yachangacaman Diosman cushca micunacunataca ama micuchun nishpa mandarca.

66Tucui tandanacushcaca chuscu chunga ishcai huaranga quimsa patsac sucta chungami carca.

67Paicunata servic caricunatapish, huarmicunatapish mana yupashcami carca. Chai serviccunaca canchis huaranga quimsa patsac quimsa chunga canchismi carca. Paicunapurapica cantac caricuna, huarmicunaca ishcai patsac chuscu chunga pichcami carca.

68Paicunapac caballocunaca canchis patsac quimsa chunga suctami carca. Mulacunaca ishcai patsac chuscu chunga pichcami carca.

69Camellocunaca chuscu patsac quimsa chunga pichcami carca. Burrocunaca sucta huaranga canchis patsac ishcai chungami carca.

70Tucui familiacunata mandacpuramanta maijancunaca Diospacta ruhuachunmi ofrendata curca. Chashna cucpimi, mandacca imatapish allichina ucupi allichichun huaranga dracma curita, pichca chunga jatun tazacunata, pichca patsac quimsa chunga curacuna churarinatapish curca.

71Familiacunata mandaccunaca Diospacta ruhuachunmi cullquita allichicman ishcai chunga huaranga dracma curita, ishcai huaranga ishcai patsac libra cullquita curca.

72Caishuc israelcunaca ishcai chunga huaranga dracma curita, ishcai huaranga libra cullquitami curca. Shinallatac curacunapac churanacunataca sucta chunga canchistami curca.

73Curacuna, levitacuna, Diospac huasipi serviccuna, cantaccuna, shinallatac tucui israelcunaca paicunapac pueblollapitacmi causagrirca» nishpa quillcashcami tiyacurca.

Ña canchisniqui quilla tucucpica tucui israelcunami paicunapac pueblocunapi carca.