1Iscun huata, chunga quilla, chunga punzhapi Mandac Dios ñucata rimashpaca:
2«Huañunalla runa, cunan mashna punzha cashcata quillcai. Cunan punzhami Babilonia llactata jatun mandacca Jerusalenta llaquichingapac muyucun.
3Chai mana cazuc gentecunataca chimbapurashca parlohuan yachachishpa: “Mandac Diosca:
Mangata nina jahuapi shayachishpa
yacuta churai.
4Quipaca huasha lomo,
mama changa alli aichata,
alli tulluta pitinacushpa jundachi.
5Shinallatac alli ovejata acllai.
Chai quipaca yantata
jundachishpa, tullucuna
alli yanuringacaman timbuchi.
6Mandac Diosca:
¡Aij, huañuchic llactalla!
¡Yanayashca manga shina
llactalla!
¡Yanayashcaca maita mana
anchuchipacchu!
Chai aichataca callarishpa
tucuita llucchi.
7Cai llactaca yahuarpi
cahuirishcami.
Chai yahuarta allpa
tapachunpish mana allpapi
tallircachu,
ashtahuanpish llambuclla
rumi jahuapimi tallishca.
8Ñuca piñarishpa,
paicuna llaquichishca shina
llaquichingapacmi,
chai yahuartaca llambuclla rumi
jahuapi tallircani.
Chaipica mana ñuto allpa
tapangachu.
9Chaimantami Mandac Diosca:
¡Aij, huañuchic llactalla!
¡Ñucapish cantaca rupacuc
ninahuanmi tucuchisha!
10Achca yantata churashpami
aicha apyangacaman timbuchisha.
Tullucunatapish rupachishami.
11Chushaclla mangataca
nina jahuapi churashpami,
chai mangapi tiyac mapatapish,
yanayashcatapish rupachisha.
12Manga yanayashcaca mana llucshipacchu. Ashtahuanpish ninallahuanmi llucshinga.
13Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.
14Ñuca huillashcataca pactachishatacmi. Llaquichishatacmi. Mana llaquishachu, mana tigrarishpa ricushachu. Can imata ruhuashpa, causashca shinallatacmi taripashpa llaquichisha. Chaitaca Mandac Dios ñucami nini” ninmi ningui» nirca.
Ezequielpac huarmi huañushcamanta15Mandac Dios ñucata rimashpaca:
16«Huañunalla runa, cambac cuyashca huarmitami cungailla quichugrini. Paimantaca ama llaquiringuichu, ama duelo churanata churaringuichu, ama huacanguichu.
17Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.
18Tutamantami gentecunamanca huillarcani. Chishica ñami ñuca huarmica huañurca. Cayandi tutamantaca Dios mandashca shinami ruhuarcani.
19Chaimantami gentecunaca:
—Can chashna ruhuashpaca, ¿imatatac ningui? Chaita ñucanchicman huillai— nirca.
20Shina nicpimi ñucaca:
—Mandac Dios ñucata rimashpaca:
21“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.
22Cutin cancunaca ñuca ima shinami ruhuarcani chashnallatac ruhuanguichic. Cancunapac ñahuitapish ama taparinguichicchu, veloriopi micunatapish ama micunguichicchu.
23Umapica turbanteta, chaquipica ushutata churaringuichic. Duelo churanatapish ama churaringuichu. Ashtahuanpish cancuna mana allita ruhuashcamantami tucui huañunguichic. Cancuna mana alli cashcamanta caishuc chaishuc llaquinacunguichic.
24Ezequiel imata ruhuashcata yuyaringuichic. Pai ruhuashca shinami tucui cancunapish ruhuana canguichic. Shina ruhuashpami ñucataca Mandac Dios cashcata yachanguichic” ninmi ningui.
25Mandac Diosca: «Huañunalla runa, cunanca ñucahuan tapana huasita, paicunapac sumac churicunatapish, ushicunatapish tucuchishami.
26Chashna llaquichi punzhapi huañuimanta saquirishca shuc runami ima tucushcata canman huillac shamunga.
27Chai punzhami huañuimanta saquirishca runahuan rimangapac cambac shimica pascaringa. Chaimantaca ña mana ashtahuan upallachu canguichu. Canmi paicunapacca shuc yuyarina cangui. Chaimantami ñucataca Mandac Dios cashcata yachangacuna» nirca.
Who We AreWhat We EelieveWhat We Do
2025 by iamachristian.org,Inc All rights reserved.
