1 CRÓNICAS 7 - Biblia Quichua Cañar 2010

Isacarpac huahua huahuacunamanta

1Isacarpac churicunaca chuscumi carca. Paicunaca: Tola, Fúa, Jasub, shinallatac Simronmi carca.

2Tolapac churicunaca: Uzi, Refaías, Jeriel, Jahmai, Jibsam, shinallatac Samuelmi carca. Paicunaca paicunapac ñaupa taitacunapac huasi ucu familiacunata mandaccunami carca. Tolapac huahua huahuacunaca paicunapac familiacuna ima shina cashca shinallatacmi, David mandacui punzhacunapi yupashca carca. Paicunaca ishcai chunga ishcai huaranga sucta patsac sinchi runacunami carca.

3Uzipac churica Israhiasmi carca. Israhiaspac churicunaca: Micael, Obadías, Joel, shinallatac Isiasmi carca. Paicunaca pichca mandaccunami carca.

4Paicunapac ñaupa taitacunapac familiapurapica quimsa chunga sucta huaranga soldadocunami carca. Paicunaca achca huarmicunata, achca huahuacunatami charirca.

5Isacarpac huasi ucu familiata catishpa yupashca aillucunaca pusac chunga canchis huaranga sinchi soldadocunami carca.

Benjaminpac huahua huahuacunamanta

6Benjaminpac churicunaca quimsami carca. Paicunaca: Bela, Bequer, shinallatac Jediaelmi carca.

7Belapac churicunaca pichcami carca. Paicunaca: Ezbón, Uzi, Uziel, Jerimot, shinallatac Irimi carca. Ñaupa paicunapac taitacunapac huasi ucupuracunata mandaccuna, shinallatac sinchi, macanacunami carca. Belapac huahua huahuacunata yupacpica, ishcai chunga ishcai huaranga, quimsa chunga chuscu runacunami carca.

8Bequerpac churicunaca: Zemira, Joás, Eliezer, Elioenai, Omri, Jerimot, Abías, Anatot, Alametmi carca. Tucui paicunami Bequerpac churicuna carca.

9Ñaupa paicunapac taitacunapac huasi ucupuracunata mandaccuna, shinallatac sinchi macanacuccunami carca. Paicunapac huahua huahuacunata catishpa yupacpica ishcai chunga huaranga ishcai patsac runacunami carca.

10Jediaelpac churica Bilhanmi carca. Bilhanpac churicunaca: Jeús, Benjamín, Aod, Quenaana, Zetán Tarsis, shinallatac Ahisaharmi carca.

11Tucui paicunami Jediaelpac churicuna carca. Paicunapac familiacunata mandaccuna, sinchi macanacungapac llucshinallami carca. Paicunaca chunga canchis huaranga ishcai patsac runacunami carca.

12Hirpac churicunaca: Supim, Hupim shutimi carca. Husimca Aherpac churimi carca.

Neftalipac huahua huahuacunamanta

13Bilhapac huahua Neftalipac churicunaca Yahzeel, Guni, Jezer, Salummi carca.

Manasespac huahua huahuacunamanta

14Manasespac churicunaca: Asriel, shinallatac Maquirmi carca. Chai churicunataca Siria llactamanta paipac caishuc huarmipimi charirca. Maquirca Galaadpac taitami carca.

15Maquirca Hupim, Supimpac familiapuramanta Maaca huarmihuanmi cazararca. Maquirpac quipa churica Zelofehadmi carca. Zelofehadca ushicunallatami charirca.

16Maquirpac huarmi Maacaca shuc cari huahuatami charirca. Chai huahuataca Perestami shutichirca. Perespac huauquica Seresmi carca. Serespac churicunaca: Ulam, Requemmi carca.

17Ulampac churica Bedanmi carca. Caicunami Galaadpac churicunaca carca. Galaadca Maquirpac churi, Maquirca Manasespac churimi carca.

18Maquirpac pani Hamolequetpac cari huahuacunaca: Isod, Abiezer, shinallatac Mahalami carca.

19Semidapac churicunaca: Ahián, Siquem, Likhi, shinallatac Anianmi carca.

Efrainpac huahua huahuacunamanta

20Efrainpac huahua huahuacunaca: Sutela, Bered, Tahat, Elada, Tahat,

21Zabad, Sutela, Ezer, shinallatac Eladmi carca. Gat pueblopi huacharishpa causaccunami animalcunata quichungapac shamucpi, Ezerta shinallatac Eladtaca huañuchirca.

22Paicunapac taita Efrainca yallita llaquirishpa duelo puricucpimi, paipac huauquicunaca cushichingapac shamurca.

23Chai quipaca paipac huarmipi chayaricpimi, huicsayuc tucushpa shuc cari huahuata charirca. Chai huahuataca paipac huasipi llaquilla causacushcamantami Beriata shutichirca.

24Beriapac ushi Seeraca jahua Bet-horonta, ura Bet-horonta, shinallatac Uzen-seera pueblocunatami shayachirca.

25Cai Beriapac huahua huahuacunaca: Refa, Resef, Telah, Tahán,

26Laadán, Amiud, Elisama,

27Nun, shinallatac Josuemi carca.

28Paicuna causangapac japishca llactaca Bet-el pueblo muyundi uchilla llactacunandimi carca. Inti llucshina ladomanca Naarán pueblo, inti tigrana ladomanca Gezer pueblo muyundi uchilla llactacunandimi paicunapac carca. Shinallatac Siquem pueblomantaca Gaza pueblocamanmi muyundi uchilla pueblocunandi carca.

29Manasés aillupac llacta ladopi tiyac Bet-seán, Taanac, Mequido, Dor pueblocunapish, muyundi uchilla llactacunandimi paicunapac carca. Chai llactacunapimi, Israelpac churi Josepac huahua huahuacunaca causarca.

Aserpac huahua huahuacunamanta

30Aserpac churicunaca: Imna, Isúa, Isúi, Bería, shinallatac paicunapac panica Serami carca.

31Beriapac churicunaca: Heber, shinallatac Maquielmi carca. Maquielca Birzavitpac taitami carca.

32Heberca Jaflet, Semer, Hotam churicunatami charirca. Paicunapac panica Suami carca.

33Jafletpac churicunaca: Pasac, Bimhal, shinallatac Asvatmi carca. Paicunami Jafletpac churicuna carca.

34Semerpac churicunaca: Ahí, Rohga, Jehúba, shinallatac Arammi carca.

35Paipac huauqui Helempac churicunaca: Zofa, Imna, Seles, shinallatac Amalmi carca.

36Zofapac churicunaca: Súa, Harnefer, Súal, Beri, Imra,

37Beser, Hod, Sama, Silsa, Itrán, shinallatac Beerami carca.

38Jeterpac churicunaca: Jefone, Pispa, shinallatac Arami carca.

39Ulapac churicunaca: Ara, Haniel, shinallatac Reziami carca.

40Tucui caicunami Aserpac huahua huahuacunaca carca. Paicunaca ñaupa taitacunapac familiacunata mandaccuna, acllashca alli sinchi mandaccunata mandaccuna carca. Paicunapac tandanacushca familiacunamanta macanacungapac acllashcacunaca ishcai chunga sucta huaranga runacunami carca.