1Jonás challuapac huicsa ucumanta Mandac Diosta
2mañashpaca:
«Ñuca llaquihuan cashpa,
Mandac Dios canta mañacpica,
uyarcanguimi.
Seolmanta caparishpa mañacpica,
ñuca mañashcata uyarcanguimi.
3Ñucata, mama cucha chaupipi shitacpica,
yallita callpacuc yacumi
muyundita taparca.
Cambac timbucuc yacupish,
caiman chaiman cuyuricuc yacupish
ñuca jahuatami pasarca.
4Chaimantami ñucaca:
“Cambac ñaupamanta catishpa
cachashcami cani.
Shina cashpapish, cambaclla huasitaca
ricusharacmi” nishpa yuyarcani.
5Yacuca ñucataca cungacamanmi pillurca.
Jatun yacupimi muyundita pillurca.
Yacu quihuacunami ñuca umapi pillurirca.
6Urcu callarimanmi rircani.
Allpaca huiñaimanmi ñucata
tapashpa charicurca.
Ñucata Mandac Dioslla,
canmi ñuca causaitaca
pambashcamanta llucchircangui.
7Ñuca huañunalla cashpami
Mandac Dios canta yuyarircani.
Ñuca mañashcaca cambaclla
huasimanmi chayarca.
8Ruhuashcalla dioscunata caticcunaca
can llaquic cashcata cungarincunami.
9Ñuca shimihuanmi canta alabani.
Rupachina animaltapish,
canman cusha nishca ofrendatapish
cushami.
¡Can Mandac Diosllami
quishpichicca cangui!» nirca.
10Mandac Dios challuata Jonasta allpaman llucchichun nicpica, llucchi shitarcallami.
Who We AreWhat We EelieveWhat We Do
2025 by iamachristian.org,Inc All rights reserved.
