1Na vakabauta sai koya na noda vakadinata ni na yaco na veika eda nuitaka, kei na noda kila ni ra sa na tiko vakaidina na veika eda sega ni raica.
2Ni sa vakadonui ira na tamata ena gauna eliu na Kalou ena vuku ni nodra vakabauta.
3Vteki 1.1; Same 33.6,9; Joni 1.3E na vuku ni vakabauta eda sa kila kina ni sa buli na vuravura ena vosa ni Kalou, me yaco rawa kina me caka na veika sa raici rawa mai na veika sa tawa raici.
4 Vteki 4.3-10 E na vuku ni vakabauta sa vakacabora kina o Epeli na i soro e vinaka cake mai na i soro i Keni. Ena vuku ni nona vakabauta sa vakadonui koya kina na Kalou me tamata yalododonu, baleta ni sa vakadonuya na Kalou vakai koya na nona i madrali. Ena vuku ni vakabauta e se vosa tikoga kina o Epeli, ka dina ga ni sa mate oti.
5Ena vuku ni vakabauta sa maroroi kina o Inoki me kakua ni mate. Ia, sa kau cake ga vua na Kalou, ka sa sega ni dua e kunei koya rawa, baleta ni sa kauti koya cake na Kalou. Ia ni se bera ni kau cake, me vaka sa tukuna na i Vola Tabu, a sa vakalomavinakataka na Kalou o koya.
6Ni kevaka sa sega na vakabauta, sa ka dredre sara me da vakalomavinakataka na Kalou, baleta ni o ira kece sara era via torovi koya e dodonu me ra vakabauta ni sa bula tiko o koya ka dau vakaicocovitaki ira talega era sa vakasaqarai koya vagumatua.
7 Vteki 6.13-22 E na vuku ni vakabauta sa rogoca kina o Noa na i vakasala ni Kalou me baleta na veika me na qai yaco emuri ka se sega ni raica rawa o koya. A sa talairawarawa vua na Kalou ka taya e dua na waqa, a sa vakabulai kina o koya kei na nona matavuvale. E a qai yaco emuri me vakaluvuci na vuravura, ka sa vakadonui o Noa mai vua na Kalou me tamata yalododonu ena vuku ni vakabauta.
Na Vakabauta i Epara-ama8 Vteki 12.1-5 E na vuku ni vakabauta sa talairawarawa kina vua na Kalou o Epara-ama ena gauna sa kacivi kina, ka me lako ki na vanua sa yalataka na Kalou me solia vua me taukena. A sa biuta na nona vanua ka lako, ia sa sega ga ni kila na vanua sa lako tiko kina.
9Vteki 35.27E na vuku ni vakabauta sa tiko vakavulagi voli kina o koya ena vanua sa yalataka vua na Kalou. A sa bula voli ga ena valelaca eso, a sa vakakina o Aisake kei Jekope, oi rau ka sa ciqoma talega na vosa ni yalayala vata o ya mai vua na Kalou.
10Ni sa namaka tiko o Epara-ama na koro sa tudei na kena yavu, na koro sa tauyavutaka ka tara na Kalou.
11 Vteki 18.11-14; 21.2 E na vuku ni vakabauta sa rawa talega kina vei Epara-ama me vakaluveni, ka dina ga ni sa qase sara o koya ka sa sivita o Sera na gauna ni vakasucu gone. A sa vakadinata ga o koya na yalodina ni Kalou, o koya sa dau dinata na nona veiyalayalati.
12Vteki 15.5; 22.17; 32.12Ia mai vua e duabau ga na tamata, o koya ka sa wili tu me vaka na tamata mate, sa qai tubu cake mai vua e vuqa sara na nona kawa, ka kedra lewe levu e sa vaka na i wiliwili ni kalokalo ni lomalagi kei na mataninuku ni matasawa, ni sa sega ni wiliki rawa!
13 Vteki 23.4; 1Vei 29.15; Same 39.12 Era sa mate kece yani o ira oqo ena vakabauta. Era a sega ni taura na veika sa yalataka vei ira na Kalou, ia era sa raica tu ga yani vakayawa ka rekitaka, ka ra sa vakadinadinataka ni ra sa tiko vulagi ga ka dau veilakoyaki voli e vuravura.
14O ira era dau tukuna na veika vaka o ya era sa vakatakila tiko ni ra vakasaqara tiko e dua na vanua me nodra ga vakataki ira.
15Era sa sega ni vakanananu lesu tiko ki na vanua era sa biuta oti mai; ni kevaka sa vakakina, ena ka rawarawa sara na nodra lesu tale kina.
16Ia era sa gadreva ga e dua na vanua e uasivi cake, o ya na vanua vakalomalagi. O koya oqo sa sega kina ni madua na Kalou ni vakatokai me nodra Kalou, ka ni sa vakarautaka oti tu o koya e dua na koro me nodra.
17 Vteki 22.1-14 E na vuku ni vakabauta sa vakacabori Aisake kina o Epara-ama ena gauna a vakatovolei koya kina na Kalou. O koya ka sa tau vua na veivosa ni yalayala sa voleka sara ni vakacabora me i soro kama na luvena e duabau ga,
18Vteki 21.12ka dina ga ni sa tukuna vua na Kalou, “Na luvemu o Aisake sai koya o na vakawa mai kina me vaka na noqu yalayala.”
19Ia sa vakadinata e lomana o Epara-ama ni sa rawa vua na Kalou me vakabulai Aisake tale mai na mate, ka sara rawa ni kainaki kina vakaoqo, ni sa ciqomi Aisake tale mai na mate o Epara-ama.
20 Vteki 27.27-29,39,40 E na vuku ni vakabauta sa cavuta kina o Aisake na nona vosa ni veivakalougatataki vei Jekope kei Iso me baleta na veika sa tu ki liu.
21 Vteki 48.1-20; Vteki 47.31 (LXX) E na vuku ni vakabauta sa vosa vakalougatataki rau kina na luve i Iosefo tagane o Jekope ni sa bera ni mate; a sa cuva sobu, a sa tatabaki ki na ulu ni nona i titoko, ka sa masu vua na Kalou.
22 Vteki 50.24,25; Lako 13.19 E na vuku ni vakabauta sa tukuna kina o Iosefo na nodra biuti Ijipita na Isireli, ena gauna sa voleka kina ni mate; ka tataunaka tu na ka me na caka ki na yagona.
Na Vakabauta i Mosese23 Lako 2.2; Lako 1.22 E na vuku ni vakabauta sa vunitaki kina o Mosese mai vei rau na nona i tubutubu mai na gauna a sucu kina me tolu na vula. E rau a raica ni sa dua na gone rairai vinaka o koya ka rau a sega ni rere me rau talaidredre ki na lewa ni tui.
24Lako 2.10-12E na vuku ni vakabauta sa bese kina ni vakatokai me luve i koya na luvenitui yalewa o Mosese ni sa tamata bula mai.
25A sa digitaka o koya me la'ki vakararawataki vata kei ira na tamata ni Kalou ka sega ni vinakata me bau la'ki marautaka vakalekaleka mada ga na i valavala ca ena siga eso.
26A sa okata o koya ni sai yau levu cake na veivakalialiai sa sota kaya ena vuku i Karisito ka lailai na i yau kei Ijipita; ni sa rai matua tikoga o koya ki na i covi sa wawa tu mai liu.
27Ena vuku ni vakabauta sa biuti Ijipita kina o Mosese ka sa sega ni rerevaka na cudru ni tui. A sa vaka ga ni sa raici koya na Kalou sa tabogo, ka sa sega kina ni saumaki lesu.
28Lako 12.21-30E na vuku ni vakabauta sa rokova kina o koya na Lakosivia kei na kureitaki ni dra, me kakua kina ni vakamatei ira na ulumatua ni Isireli na Agilosi ni Mate.
Na Nodra Vakabauta Eso na Luve i Isireli29 Lako 14.21-31 E na vuku ni vakabauta era sa lako kosova kina na Isireli na Wasa Damudamu me vaka ga ni sa vanua mamaca; ia era a vakatovolea me ra kitaka vakakina o ira na Ijipita ka mani luvuci ira na wasawasa.
30 Josua 6.12-21 E na vuku ni vakabauta sa bale kina na bai kei Jeriko ni sa oti na nodra tayabe wavokita na Isireli ena vitu na siga.
31Josua 6.22-25; Josua 2.1-21E na vuku ni vakabauta sa taqomaki kina o Reapi na yalewa dautagane, me kakua ni vakamatei vata kei ira era sa talaidredre vua na Kalou, ni a maroroi rau na yamata.
32 Dvei 6.11–8.32; Dvei 4.6–5.31; Dvei 13.2–16.31; Dvei 11.1–12.7; 1Samu 16.1–1Tui 2.11; 1Samu 1.1–25.1 Ia na cava tale me'u qai kaya? Sa sega na gauna me'u tukuna talega kina na veika me baleti Kitione, kei Baraki, kei Samisoni, kei Jefeca, kei Tevita, kei Samuela, kei ira na parofita.
33Tani 6.1-27E na vuku ni vakabauta era sa qaqa kina vei ira na veimatanitu eso ena i valu. Era a kitaka na veika dodonu ka ciqoma na veika sa yalataka na Kalou. Era a sogota na gusudra na laione,
34Tani 3.1-30era a bokoca na bukawaqa vakarerevaki, ka ra a dro bula mai na i seleiwau. Era a malumalumu, ia era sa qai vakaukauwataki; era a qaqa ena i valu ka vakadrukai ira na mataivalu ni veivanua tani.
35Ena vuku ni vakabauta era sa ciqomi ira lesu kina na wekadra mate o ira na yalewa, ni ra sa vakaturi cake tale mai na mate.
Era a vakararawataki eso, ka ra bese ga ni sereki, ka ra mani mate kina, me nodra ga kina na tucake tale ki na dua na bula sa uasivi cake.
361Tui 22.26,27; 2Vei 18.25,26; Jere 20.2; 37.15; 38.6Eso tale era a vakalialiai ka vakanakuitataki, ka ra vesu talega ena sinucodo ka biu ki na valeniveivesu.
372Vei 24.21Era a lauviri ena vatu, era a varoti me rua na kena i musumusu, era a vakamatei ena i seleiwau. Era a veilakoyaki voli ka vakaisulu ena kuli ni sipi kei na kuli ni me, era sa dravudravua ka vakararawataki, ka vakacacani.
38Sa sega ni ganiti ira na vuravura oqo! Era a veiseyaki ka vakalakova na veivanua lala kei na veiulunivanua, ka ra vakaitikotiko ena veiqara e loma ni qele kei na veiqara vatu.
39Era sa vakalomavinakataka na Kalou o ira kece oqo ena vuku ni nodra vakabauta! Ia era sa mate ga ka sega ni taura na veika sa yalataka vei ira na Kalou,
40baleta ni sa vakarautaka tu na Kalou e dua na i tuvatuva vinaka me baleti keda. Sa nona i naki ga me ra na qai taura vata ga kei keda o ira oqo na ka sa yalataki, o ya na noda vakataucokotaki me da vinaka sara.
Who We AreWhat We EelieveWhat We Do
2025 by iamachristian.org,Inc All rights reserved.
