1Sa soqona na Tui Ijipita e dua na mataivalu vakaitamera, vaka na mataninuku e baravi, kei na levu na waqa, qai saga me rawata vakailawaki na vanua nei Alekisada me ikuri ni nona matanitu.
2A gole yani i Siria e na vosa ni veisaututaki, era mani dolava vua na matamata na veikoro, ra tavaki koya, ni sa lewa vakina o Alekisada na tui, me vaka nirau veivugoni.
3la na koro yadua sa curuma o Tolemi, sa vakatikora kina e dua na iwase ni mataivalu.
4Ni sa yaco yani i Asoto, era sa vakaraitaka vua na lewenikoro na valenilotu i Dakoni sa kama yavu tu, na koro kei na kena saula sa talaraki tu, vakina na yagonimate era veidavoyaki tu, kei na yagodra qesa o ira a vakamai ira bulabula e na ivalu o Jonacani, nira a bini ira tu e bati ni sala e muria tiko.
5Era tukuna tale ga vua na tui na ka sa cakava o Jonacani me beitaki kina; ia a galu ga na tui.
6O Jonacani a tavaka vakaturaga na tui e Jopa, rau veikidavaki, rau qai moce kina.
7Rau veitomani me yacova na wai o Eleucero, sa qai lesu tale i Jerusalemi o Jonacani.
8Sa mani lewa o Tui Tolemi na veikoro e baravi yaco i Seleusia-e-wai, toso tiko ga nona nakicataki Alekisada.
9A tala mata vei Demetirio na tui meratou kaya: “Daru mai veiyalayalati, meu solia me watimu na luvequ a nei Alekisada, o na qai lewa na matanitu nei tamamu.
10Au sa veivutunitaka noqu soli luvequ vua, ni sa saga me vakamatei yau.”
11Na vu ni nona bilitaki Alekisada, ni kocova tiko nona matanitu.
12Sa qai kauta tani vua na luvena, solia vei Demetirio. Sa qai vakanadakui Alekisada, qai laurai votu nodrau sa veimecaki.
13Sa qai curumi Adioki o Tolemi, tokara na isala vakatui kei Esia. Sa mani nona kina e rua na isala, na isala kei Ijipita kei na isala kei Esia.
14Na gauna ya a tiko voli kina mai Silisia o Alekisada na tui, ni yavavala tiko kina na vanua.
15Sa rogoca o Alekisada na itukutuku kei Tolemi, sa vakacibi ivalu. Sa cavutu mai na mataivalu qaqa nei Tolemi, mani druka o Alekisada.
16Sa dro i Arapea o Alekisada me lai maroroi kina, mani vakasakiti ga o Tui Tolemi.
17Sa qai musuka na ulu i Alekisada o Savatiela na kai Arapea, vakauta vei Tolemi.
18Oti ga e bogi tolu, sa mate o Tolemi, ra laulaumoku kece nona mataivalu vei ira na lewe ni koronivalu ra tiko kina.
19Sa mani yaco me tui o Demetirio e na ika167 ni yabaki.
Taleitaki Jonacani o Demitirio na ikaRua20A vakasoqoni ira na kai Jutia e na gauna ya o Jonacani mera kabata na koronivalu e Jerusalemi, a bulia e levu na kena misini ni ivalu.
21Ia e so na tamata vakadrecike era meca ni nodra vanua, era lai tukutuku vua na tui ni sa kovuta tiko o Jonacani na koronivalu.
22Ni sa rogoca qo, sa cudru, sa mani gole sara i Tolemaisi, qai volavola vei Jonacani me sa cegu na virikovu, merau mai bose e Tolemaisi e na kena totolo duadua.
23Ni sa rogoca qo o Jonacani, sa vakarota me toso ga na virikovu; sa qai lesia e so na qase ni Isireli kei na bete me nona ilala, qai bole mate
24e na nona a cabe vua na tui e Tolemaisi, nona ikaukau yani na siliva, koula, isulu kei na levu tale na iyau. Sa donu vua na tui.
25E so na kainona vakatubu ca era kudruvaki koya tiko ga,
26a lomani koya ga na tui me vakataki ira na tui e liu e na nona vakacerecerei koya e matadra kece nona itokani.
27A vakadeitaki koya e na itutu vakabetelevu kei na itutu cecere kece a nona tu e liu, sa wiliki koya tale ga me nona itokani dredre.
28Sa qai masuti koya o Jonacani me vagalalataki Jutia kei na matanitu e tolu vakaSamaria mai na saumi ivakacavacava, a yalataka vua e tolu na drau na taledi.
29Sa vakadonuya na tui, volavola vei Jonacani me baleta na ka kece qo; e vaqo na lewe ni ivola:
30“O Tui Demetirio vei Jonacani na taciqu kei kemuni na yavusa Jiu, ni bula.
31Na ivola qo au a vola baleti kemuni vei Lasicene na wekaqu, au sa lavetaka tale ga vei kemuni moni kila kina na lewe ni ivola.
32‘O Tui Demetirio vei tamaqu o Lasicene, bula.
33O ira na Jiu na noda ito era dau vakayacora nodra itavi vei keda, au sa lewa meda lomani ira nira dau yalovinaka vei keda.
341M 10.30Au sa vakadeitaka me nodra na vanua o Jutia kei na matanitu e tolu o Afairema, Lita kei Racamini; na tolu qo kei na kedratou isasavu, eratou a vanua vakaSamaria, eratou sa mai wili i Jutia. O ira kece na vakacabo isoro e Jerusalemi, au sa vagalalataki ira mai na isevu vuaniqele kei na vuata.
35Na veika kece tale ga se vo tu mera sauma vei yau: na dua na ikatini, na ivakacavacava, na masima kei na iyau - na ka kece qo au na vagalalataki ira kina.
36Sa tabu vakadua ni vakasukai na galala kece sa soli qo.
37Mo qarauna gona mo lavetaka na ivola qo, me soli vei Jonacani me kabi e matanalevu e na ulunivanua tabu.’ ”
Vukei Demitirio na ikaRua o Jonacani38Ni sa raica o Demetirio na tui ni sa maravu na vanua sa sega ni dua e vorati koya, sa vakasukai ira na mataivalu, vakavo ga o ira na mataivalu tani a soqoni ira mai veiyanuyanu. Era mani sevaki koya kece kina na sotia era se veiqaravi vei iratou nona itubutubu.
39O Tirifo e dua a dau tokoni Alekisada. A raica nira sa kudruvaki Demetirio kece tiko na sotia. Sa qai lako vei Imalakue na kai Arapea a susugi Adioko tiko na luve i Alekisada lailai,
40qai cikevi koya me soli Adioko vua me mai tui, me sosomitaki tamana. Sa tukuna tale ga vei Imalakue na ka sa cakava o Demetirio, kei na nodra sevaki koya nona mataivalu; a mani dede kina.
41Sa talatala o Jonacani vei Demetirio na tui me vakasukai ira na matasotia ni koronivalu e Jerusalemi kei na veikoronivalu, nira dau valuti Isireli tiko.
42Sa qai vakauta o Demetirio vei Jonacani na itukutuku qo, “Au na sega wale ga ni cakava na ka qo e na vukumu kei na nomu vanua, au na vakalagilagi iko tale ga kei na nomu vanua e na gauna e na rawa kina.
43Ia mo yalovinaka mo solia mada mai e so na tamata mera vukei yau, nira sa vorati yau kece noqu mataivalu.”
44Sa qai tala o Jonacani e tolu na udolu na qaqa mera lako vua i Adioki; sa duatani na marau ni tui e na nodra sa yaco yani.
45Era qai soqoni na lewenikoro e loma ni koro, kedra levu e dua na drau ruasagavulu na udolu, era qai via vakamatea na tui.
46A dro na tui i valelevu. Era curuma na lewenikoro na veisala lelevu e loma ni koro, ra sa vala.
47Sa qai kacivi ira na Jiu na tui mera vukei koya, era qai soqoni vata mai vua, ra qai curuma yani na loma ni koro taucoko; era vakamatea e na siga ya e rauta ni le dua na drau na udolu.
48Era visa na koro, ra yauta e levu na itokinivalu, ra vakabula na tui.
49Nira sa raica na lewenikoro nira sa lewa sara ga na koro na Jiu, era sa rere, ra tagi vua na tui,
50“Ni solia vei keimami na vakacegu, ni tarovi ira na Jiu e na nodra sagai keimami tiko kei na neimami koro.”
51Era qai tauca na iyaragi, ra veisaututaki. Era mani lagilagi kina na Jiu vua na tui kei ira kece na lewe ni nona matanitu, qai levu na itokinivalu era yauta lesu i Jerusalemi.
52Sa qai dei na veiliutaki nei Demetirio, sa maravu na vanua.
53Ia a lasu na nona yalayala kece; erau sa veicati kei Jonacani; a sega ni sauma na yalovinaka nei Jonacani, a vakararawataki koya ga vakalevu.
Tomani Adioko na ikaOno o Jonacani54Oti qo sa lesu tale mai o Tirifo, kei na gonetagane o Adioko. Sa veiliutaki o Adioko, sa vakaisala vakatui.
55Era soqoni kece vua na sotia sa vakatalai ira o Demetirio, era qai valuti koya tale; sa dro sara o Demetirio, era sa vakadrukai vakaca.
56Sa qai vesuki ira na elefadi o Tirifo, tauri Adioki.
57Sa qai volavola vaqo vei Jonacani o Adioko lailai, “Au sa vakadeitaka mo betelevu, mo lewa na yasana e va, mo itokani ni tui.”
58Sa qai vakauta vua na iyaya ni kana koula, vakadonuya me gunu e na bilo koula, vakaisulu lokaloka, qai vakabakala koula.
59O Saimoni na tuakana, a bulia me kovana mai baravi kei Taia yacova na iyalayala kei Ijipita.
60Sa qai cavutu o Jonacani, sivita na uciwai, vakacuruma na veikoro lelevu, era qai soqoni kece vua na ivalu ni Siria mera nona ito. Ni sa yaco mai Esikaloni, era kidavaki koya vakaturaga na lewena.
61Mai kea, sa gole i Qasa ia era tarovi koya na lewenikoro me kua ni curu. Sa mani kovuta na koro, visa na kena saula qai yanaraka.
62Era qai soro vei Jonacani na kai Qasa, sa qai ciqoma; a tauri ira vakavesu na luvedra nodra iliuliu, vakauti ira i Jerusalemi. A lakova na veivanua me yaco sara i Tamasiko.
63Sa qai rogoca o Jonacani nira sa yaco mai Ketesi e Kaleli na turaganivalu nei Demetirio kei na dua na mataivalu levu, mera mai vakasivoi koya.
64Nona lai tavaki ira, a tu ga yani na tuakana o Saimoni.
65A keba o Saimoni e Becisuri, valuta siga vica, qai kovuta.
66Era qai soro vua, sa mani ciqoma. A tokitaki ira mai kea, tawana na koro, qai lesia e dua na matasotia me yadrava.
67A keba o Jonacani kei na nona mataivalu e batiniwai o Kenesareti. E na mataka caca era sa tayabe yani i na buca o Asori,
68era sa qai sota kina kei na mataivalu vulagi; era a lawavaki koya mai delana e dua na kena iwase, ia o ira qo era sa tu e mata i Jonacani.
69Era qai tucake mai na lewe ni lawa ni ivalu mera mai vala.
70Era qai dro kece na tamata nei Jonacani; qai vo ga o rau na iliuliu ni mataivalu o Matacayasi na luve i Apisalome, kei Jutasa na luve i Kalafi.
71A dresulaka nona isulu o Jonacani, boroya na uluna e na kuvu, qai masu.
72Sa qai vuki lesu me valuti ira na meca, era dui se e matana.
73Nira sa raica qo nona tamata era dro tiko, era sa lesu tale mai vua, ra muri koya e na veicemuri me yaco i Ketesi, na keba ni meca, era mani keba kina.
74E rauta ni tolu na udolu na kaitani era mate e na siga ya. Sa qai lesu tale i Jerusalemi o Jonacani.
Who We AreWhat We EelieveWhat We Do
2025 by iamachristian.org,Inc All rights reserved.
