1A qai kaya o Vilitati na luve i Sua, ka kaya,
2I Jope, era na sega ni rawa beka ni tiko lo
na mataqali tamata vakataki iko?
Ke o muduka na nomu vosa ka vakarorogo,
Keitou na rawa ni vosa vei iko.
3A cava o nanuma kina ni keitou lialia me vaka na bulumakau?
4O sa vakararawataki iko wale ga ena nomu cudru.
Ena vakalalai beka o vuravura ena vukumu?
Era na kau tani beka na veiulunivanua ena vukumu?
5 Jope 21.17 Ena bokoci na cina ni tamata ca;
Ka na sega ni caudre tale na kena yameyame.
6Ena vakabutobutotaki na cina ena nona valelaca.
7A kaukauwa vinaka tu eliu na nona cavuyava,
Ia oqo e sa tatavutuvutu ga;
Sa mani bale sara
Ni sa kati koya ga vakai koya na nona i vakasala.
8Sa butuka yani e dua na lawa
Ka mani coko kina na yavana;
9sa tacori na bukubuku ni yavana
Ena dua na dai ka vesuki koya.
10Sa vunitaki koto e dela ni qele e dua na kena dai;
Io, sa vakotori koto e dua na dai ena nona gaunisala.
11Sa wawa wavokiti koya tu na veivakarerei;
Ka sa muria tiko na nona i kalawa yadua.
12E a vutuniyau e liu o koya,
Ia ena gauna oqo e sa viakana voli;
Sa tu ka wawa voli e yasana na veivakarusai.
13Sa teteva na yagona e dua na mate rerevaki,
Ka vakavuna me vuca na ligana kei na yavana.
14Sa cavuivuvutaki mai na valelaca e a tiko vakaruru kina,
Ka yarataki yani ki na mata ni tui ni mate.
15Ia ena gauna oqo,
Sa rawa ni tawana e dua ga na tamata
Na nona valelaca —
Ia me vakamiraki taumada kina na sulifure
Me vakawainimatetaki kina!
16Sa qai malai ka madu sara na wakana kei na veitabana.
17Sa qai mudu na nona rogo ena nona vanua
Kei na veivanua tani;
Ka sega ni dua me qai nanumi koya tale.
18Ena qai vakasevi tani o koya mai na nodra vanua na bula tiko,
Ka vakasevi tani mai na rarama ki na butobuto.
19Sa sega na nona kawa, sa sega na kena i sosomi.
20Ia o ira kecega era rogoca na ka sa yaco vua,
Mai na tokalau ki na ra,
Era na sokonu ka sautaninini ena rere.
21Oqo na kedra i tinitini na tamata ca,
Se na ka ena yaco vei ira era sega ni kauwaitaka na Kalou.
Who We AreWhat We EelieveWhat We Do
2025 by iamachristian.org,Inc All rights reserved.
