1Era sa lewe tinikarua na luve i Isireli tagane: o Rupeni, o Simione, o Livai, o Juta, o Isakari, o Sevuloni,
2o Tani, o Iosefo, o Penijamini, o Navitalai, o Kata kei Aseri.
3E ratou lewe lima na luve i Juta tagane. E tolu na luvena tagane vei Pacisua, na yalewa ni Kenani: o Eri, o Onani kei Sela. A sa ca vakalevu sara ena mata i Jiova o Eri na ulumatua i Juta, ka sa vakamatei koya kina o Jiova.
4A rua tale na luve i Juta tagane vua na vugona yada o Tema, o Feresi vata kei Sira.
5E rau sa lewe rua na luve i Feresi tagane, o Esironi vata kei Emuli.
6Na tacina o Sira, eratou sa lewe lima na luvena tagane: o Simirai, o Icani, o Imani, o Kalikoli vata kei Darida.
7Ia o Ekani, na luve i Kamai tagane ka kawa i Sira, a sa kauta mai na ka rarawa vei ira na Isireli ena nona maroroya na i toki vakatabui sa lesi me nona na Kalou.
8A sa dua ga na luve i Icani tagane, o Asaraia.
Na Kawa i Tevita na Tui9E ratou lewe tolu na luve i Esironi tagane: o Jiramieli, o Rami vata kei Kilupai.
10Na i sema ni kawa me tekivu mai vei Rami ka yaco vei Jese sa vakaoqo: o Rami na tama i Amenatave; o Amenatave na tama i Nasoni (e dua na turaga kilai vei ira na Juta),
11o Nasoni na tama i Salima, o Salima na tama i Poasa,
12o Poasa na tama i Opeti, o Opeti na tama i Jese.
13E ratou sa lewe vitu na luve i Jese tagane. Sa vakaoqo na kena veitarataravi: o Iliavi na ulumatua, ai karua o Apinatapi, ai katolu o Simea,
14ai kava o Nacanieli, ai kalima o Ratei,
15ai kaono o Osemi, ka i kavitu o Tevita.
16A sa lewe rua talega na luve i Jese yalewa: o Seruwaia vata kei Apikali.
E ratou lewe tolu na luve i Seruwaia tagane: o Apisai, o Joape kei Asaeli.
17Na luvena yalewa kadua sa vakawatitaki Jica, e dua na kawa i Isimeli, ka sa dua na luvedrau tagane e yacana o Amasa.
Na Kawa i Esironi18O Kelevi na luve i Esironi sa vakawati kei Asupa, ka sucu e dua na luvedrau yalewa, o Jerioci. A sa vakasucuma e tolu na luvena tagane, o ya o Jeseri, o Sopapi kei Eritoni.
19Ia ni sa mate o Asupa, a sa vakawati tale o Kelevi kei Efiraca, ka dua kina na luvedrau tagane e yacana o Uri.
20Na luve i Uri tagane o Urei, ka makubuna tagane o Bisaleli.
21Ni sa yabaki 60 o Esironi, a sa vakawati kei na luve i Mekiri yalewa, a ganei Kiliati. A sa dua na luvedrau tagane e yacana o Sekupi.
22A sa dua na luve i Sekupi tagane e yacana o Jairi; a sa veiliutaki voli o Jairi ena 23 na veikoro mai Kiliati.
23Ia sa vakamalumalumutaka e 60 na veikoro mai kea oi rau na matanitu o Kesuri kei Erami, e okati kina na koro o Jairi, Kinaci kei na veikoro e volekata. O ira kece na tiko mai kea era sa kawa i Mekiri, o koya na tama i Kiliati.
24Ni sa mate oti o Esironi, a sa vakawati o Kelevi na luvena tagane kei Efiraca, na yada i tamana. A sa dua na luvedrau tagane e yacana o Asuri, o koya ka tauyavutaka na koro o Tekoa.
Na Kawa i Jiramieli25O Jiramieli, na ulumatua tagane i Esironi, a sa lewe lima na luvena tagane:
o Rami na ulumatua, o Puna, o Oreni, o Osemi kei Eaija.
26A sa dua tale na wati Jiramieli e yacana o Atara; a sa dua na luvedrau tagane e yacana o Onama.
27E ratou lewe tolu na luvena tagane o Rami:
o Measi, o Jamini vata kei Ika.
28Oi rau na luve i Onama tagane:
o Samei vata kei Jeta.
O rau na luve i Samei tagane:
o Netapi vata kei Episuri.
29A sa vakawati o Episuri kei na yalewa o Epaieli; a sa rua na luvedrau tagane, o Apani kei Moliti.
30E rau lewe rua na luvena tagane o Netapi na tuakai Episuri:
o Seleti vata kei Epaimi. A sa mate o Seleti ka sega ni vakaluveni.
31Na luve i Epaimi tagane:
o Isai, o koya na tama i Sesani.
O Sesani na tama i Alai.
32E rau lewe rua na luve i Jeta tagane, na taci Samei:
o Jica vata kei Jonacani. A sa mate o Jica ka sega ni vakaluveni.
33E rau lewe rua na luve i Jonacani tagane:
o Peleci vata kei Sasa.
Oqo o ira kece sara na kawa i Jiramieli.
34A sa sega ni vakaluveni tagane o Sesani, ia e vakaluveni yalewa ga.
Sa dua na dauveiqaravi i Sesani e kai Ijipita ka yacana o Jara.
35A sa solia o Sesani vei Jara e dua na luvena yalewa me watina. A sa dua kina na luvedrau tagane, o Atai.
36Oqo na i tuvatuva ni kawa i Atai:
o Atai na tama i Necani,
o Necani na tama i Sapati.
37O Sapati na tama i Efilali,
o Efilali na tama i Opeti,
38o Opeti na tama i Jeu,
o Jeu na tama i Asaraia,
39o Asaraia na tama i Ilesi,
o Ilesi na tama i Ilaisa,
40o Ilaisa na tama i Sisemei,
o Sisemei na tama i Salumi,
41o Salumi na tama i Jikamaia,
kei Jikamaia na tama i Elisama.
Na Kawa i Kelevi42O Mesa na ulumatua i Kelevi, na taci Jiramieli. O Mesa na tama i Sifi, ka tama i Maresa o Sifi, o Maresa na tama i Epironi.
43E ratou lewe va na luve i Epironi tagane: o Kora, o Tapua, o Rikemi kei Sema.
44O Sema na tama i Reami, o Reami na tama i Joakiami. O Rikemi, na taci Sema, e tama i Samei,
45o Samei na tama i Maoni, o Maoni na tama i Pecisuri.
46A sa vakaluveni o Kelevi vei Ifa na watina lailai ka ratou lewe tolu na luvedrau tagane: o Erani, o Mosa, kei Kesesi. E dua na luve i Erani tagane, ka rau veiyacani kei Kesesi.
47(E dua na tamata o Jatei na yacana, e ratou sa lewe ono na luvena tagane: o Rikemi, o Jocame, o Keseni, o Pelati, o Ifa kei Seafi.)
48A sa dua tale na watina lailai o Kelevi, na yacana o Meka; a rau sa lewe rua na luvedrau tagane: o Seperi vata kei Tirena.
49Ia e muri, a sa qai rua tale na luvena tagane: o Seafi, o koya ka a tauyavutaka na koro o Matimana, vata kei Siva, o koya ka a tauyavutaki rau na koro o Makipena kei Kipa.
Me kena i kuri, a sa dua talega na luve i Kelevi yalewa, o Akesa na yacana.
50Era kawa talega i Kelevi o ira ka cavuti oqo.
Na nodrau ulumatua o Kelevi kei Efiraca na watina, na yacana o Uri. Na luve i Uri tagane o Sopali, o koya sa tauyavutaka na koro o Kiriaci Jiarimi,
51na i karua ni luvena tagane o Salima a sa tauyavutaka na koro o Peceliema, kei na i katolu ni luvena tagane o Arefi a sa tauyavutaka na koro o Peciketeri.
52O Sopali, o koya sa tauyavutaka na koro o Jiarimi e nodra i tubutubu na kai Eroe, sa tawana e veimama na kedra i wase era sa tiko mai Maneaca,
53kei na veimataqali oqo era sa vakaitikotiko ena koro o Jiarimi: o ira na luve i Jeceri, o ira na luve i Pua, o ira na luve i Sumasi kei ira na kai Misira. (Era kawa mai vei ira na veimataqali oqo o ira na kai Sora vata kei Esitaoli.)
54O Salima, o koya ka tauyavutaki Peceliema sa nodra i tubutubu na kai Nitofa, Ataroci Peci Joape kei ira na kai Sora, o ira ka dua na kedra i wase na luve i Maneaca.
55(Na veimataqali sa cavuti oqo era sa kena dau ena volavola kei na kena lavetaki na i vola dredre ka ra tiko mai Japesi: o ira na luve i Tiraca, na luve i Simea kei na luve i Sukace. O ira oqo na Kenaiti ka ra sa ia na vakawati veicurumaki kei ira na mataqali i Rekapi.)
Who We AreWhat We EelieveWhat We Do
2025 by iamachristian.org,Inc All rights reserved.
